Jerdi jaldaý merzimin konkýrspen ǵana uzartý kerek – Muhtar Taıjan

NUR-SULTAN. QazAqparat – Jer reformasy jónindegi komıssııanyń kezekti otyrysynda qoǵam qaıratkeri Muhtar Taıjan jerdi 49 jylǵa deıin jalǵa berý týraly pikir bildirdi, dep habarlaıdy QazAqparat.

«Biz jerdi 49 jylǵa deıin jalǵa beremiz dep sheshtik. Osy merzimde muragerlikke de jol ashyp otyrmyz. Biraq bul jerde 49 jyldan keıin fermerlerge nemese zańdy tulǵalarǵa konkýrssyz jaldaýdy uzartýǵa bolady dep jazylǵan. Biz oǵan daýys bergen joqpyz. Kerisinshe, muny jumys tobynyń otyrysynda da aıttym, eger osy 49 jylǵa kelisetin bolsaq, sol 49 jylmen toqtaýymyz kerek. Ári qaraı tek qana konkýrs arqyly jaldaýdy uzartýǵa bolady. Óıtkeni jaldaýdyń osyndaı shekteýi bolmasa, onyń jeke menshikten esh aıyrmashylyǵy bolmaıdy. Sol úshin Jer kodeksiniń 37-babyna ózgertý engizýimiz kerek. Jaldaýdy 49 jylǵa deıin ǵana uzartýǵa bolady, ári qaraı konkýrs arqyly bolýy kerek», - dedi M. Taıjan sharýashylyǵy mınıstrliginde ótken Jer reformasy jónindegi komıssııa otyrysynda.

Aıta keteıik, Jer reformasy jónindegi komıssııa otyrysynda aýyl sharýashylyǵy jerlerin muraǵa berý men 49 jylǵa deıin jaldaý merzimin saqtaý talqylanyp jatyr.

Sondaı-aq, Qazaqstanda aýyldyq mekenderdiń malyna 29 mln gektar jaıylym jetispeıdi.