Jerdi zańsyz paıdalaný, atys qarýyn saqtaý, jeńgetaılyq: Túrkistan oblysynda uıymdasqan qylmystyq top ustaldy

<p>TÚRKІSTAN. KAZINFORM &ndash; Túrkistan oblysynda polıtsııa jer qoınaýyn zańsyz óndirýmen aınalysqan adamdar tobyn ustady.&nbsp; Bul týraly Polisia.kz. jazdy.&nbsp;</p>

Túrkistan oblysynda polıtseıler Shardara men Jetisaı aýdanynda júrgizilgen jedel-izdestirý is-sharasy barysynda, jer qoınaýyn zańsyz óndirýmen, atys qarýyn saqtaýmen jáne jeńgetaılyqpen aınalysqan adamdar tobyn anyqtady.

«Uıymdasqan qylmysqa qarsy kúres basqarmasynyń jedel ýákilderi men jyldam qımyldaıtyn arnaıy jasaq qyzmetkerleri birlesip, kúdikti 9 adamdy, onyń ishinde qylmystyq toptyń uıymdastyrýshysy, buryn sottalǵan jergilikti turǵyndy ustady. Jedel ýákilder tintý barysynda, olardan 1 júk tıegish kólik, 7 júk kóligin, 2 ańshylyq myltyq, patrondar jáne basqa da zattaı dáleldemelerdi tárkiledi. Budan basqa polıtseıler Shardara qalasyndaǵy is-sharalar barysynda, jezókshelikpen aınalysý úshin prıton uıymdastyrý faktisin anyqtady. Jedel ýákilder prıtonnyń 2 ákimshisin, Qazaqstannyń 4 azamatyn ustady. Sondaı-aq aqshalaı qarajat pen ózge de zattaı dáleldemeler tárkilendi. Qazirgi ýaqytta atalǵan faktiler boıynsha qylmystyq ister qozǵaldy. Kúdiktiler qamaýǵa alyndy», — delingen habarlamada. 

Tergeý júrgizilip, oqıǵanyń tolyq mán-jaıy anyqtalyp jatyr.