Jer úılerge sý men jaryq tartý úshin bıyl 83 mlrd. teńge bólingen - Jaıymbetov

ASTANA. QazAqparat - Jeke úıler salynady degen jer telimderine ınfraqurylym tartý úshin bıyl memlekettik bıýdjetten alynǵan 83 mlrd. teńge bólingen. Bul týraly búgin Investıtsııalar jáne damý mınıstrligi Qurylys jəne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov málim etti.

 «Nurly jer» baǵdarlamasynyń negizgi kýrsy jeke turǵyn úı qurylysyn qoldaýǵa baǵyttalady. Azamattarǵa jeke turǵyn úı salý úshin ınjenerlik ınfraqurylymy daıyn turǵan jer telimderi berilmek. ıAǵnı, memleket ınfraqurylymdy tartýdy óz moınyna alady», - dedi komıtet tóraǵasy.

Memleket bul mindetin oryndaý úshin jyl saıyn memlekettik bıýdjetten shamamen 80 mlrd. teńge alyp otyrady.

«Injenerlik kommýnıkatsııalardy tartý úshin jyl saıyn 80 mlrd. teńge tartylady dep kózdelgen. Bıyl 83,5 mlrd. teńge bólingen. 2017 jyldan bastap oblys ortalyqtarynda jeke turǵyn úılerdi salý ilki joba retinde iske qosylady», - dedi Jaıymbetov.