Jer ýchaskesin tabystaý protsesin avtomattandyrý maqsatynda portal ázirlendi - Túrkistan oblysy
«Buǵan deıin aýyl sharýashylyǵy jerleri aýktsıonǵa shyǵarylyp, kóp qarajat usynǵan tulǵalar jeńimpaz bolsa, búgingi kúni tıimdi bıznes-jospar usynǵan tulǵalar ǵana jer ýchaskelerin alýda. Bul azamattardyń qarjysyn únemdeýge septigin tıgizedi jáne tıimdi bıznes-jospar usyna alatyndarǵa múmkindik týǵyzady. «Tsıfrlyq Qazaqstan» memlekettik baǵdarlamasynyń negizinde jer ýchaskesin tabystaýdy, saýda-sattyq, konkýrstar, aýktsıondar protsesin avtomattandyrý maqsatynda portal ázirlendi. Atalǵan portal testik rejımde iske qosylyp, synaqtan ótýde. Portal iske qosylsa, oblys kólemindegi saýda-sattyqtar tolyǵymen elektrondyq formatqa kóshiriletin bolady», - deıdi Túrkistan oblysy ákiminiń orynbasary Sáken Qalqamanov.
Onyń aıtýynsha, azamattardyń jeke turǵyn úı qurylysy úshin jer ýchaskelerine muqtajdyǵyn qanaǵattandyrý maqsatynda birshama jumys atqarylǵan.
«Qazirgi ýaqytta oblysta 119 myń azamat kezekte tur. Onyń basym bóligi Túrkistan qalasynda, Saıram, Saryaǵash aýdandarynyń úlesinde bolsa, 48 myń ótinim qalǵan qala, aýdandarǵa tıesili. Bıyl 1 qyrkúıektegi kórsetkish boıynsha oblys kóleminde azamattarǵa jeke turǵyn úı qurylysy úshin 301 jer ýchaskesi tabystaldy. Bul baǵyttaǵy jumystar aldaǵy ýaqytta da jalǵasyn tabady», - deıdi ol.