Jer ýchaskelerin zańsyz paıdalanýshylar isi sotqa joldandy - Qyzylorda oblysy

QYZYLORDA. QazAqparat - Qyzylorda oblysy jer ýchaskeleriniń nysanaly maqsatta paıdalanylýyn tekserý, zańbuzýshylyqtardy anyqtaý, olardy joıý, aıyppuldardy salý, olardy óndirýge qatysty respýblıka boıynsha belsendi jumys jasap otyrǵan aımaqtar qatarynda, - dep habarlady QazAqparat tilshisi.

Jyl basynan beri oblystyq jerdiń paıdalanylýy men qorǵalýyn baqylaý basqarmasy jer ýchaskelerin paıdalanbaǵan (ıgermegen) nemese jerdi zańnamany buza otyryp paıdalanǵan tulǵalardyń jer ýchaskelerin májbúrlep alyp qoıý jóninde sotqa 17 talap-aryz berilip,

13-i boıynsha sot sheshimi qabyldandy.

Nátıjesinde 2705,8 gektardy quraıtyn 11 jer ýchaskesi májbúrlep alyndy. 2 is qanaǵattandyrýsyz qaldyrylsa, 4 is qazirgi tańda qaralyp jatyr.

Taǵy bir eske salyp ótsek, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadamynda jer paıdalanýǵa qatysty naqty tapsyrmalar júktedi. Ondaǵy 35-qadamda  aýylsharýashylyq jerlerin tıimdi paıdalaný maqsatymen olardy naryqtyq aınalymǵa engizý máselesin kóterdi. Sondaı-aq, jer kodeksine jáne basqa da zań aktilerine ózgerister engizýdi tapsyrdy. Al 36-qadamda:  Jer telimderin maqsatty paıdalaný túrin ózgertýge ruqsat alý resimderin jeńildetý, aýylsharýashylyq jerlerin paıdalanýǵa turaqty túrde monıtorıng júrgizý, sonymen birge barlyq paıdalanylmaı jatqan jerdi aldaǵy ýaqytta jekeshelendirý úshin memlekettik qorǵa berý kerektigin aıtty.