Jer-sý ataýlaryna engiziletin ár ózgeris tarıhty qaıta redaktsııalaý sekildi qabyldanady - A. Smaıyl
Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine onomastıka máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Aldan Smaıyl osylaı málim etti.
Depýtattyń aıtýynsha, atalǵan zań jobasynda onomastıka jumysynyń erekshelikteri tolyq aıqyndaldy. «Onomastıka ulttyq til, ulttyq múdde, ulttyq rýhanı qundylyqtar sekildi syrttan tańylatyn ózgeristerge tóze bermeıdi. Jer-sý, ákimshilik birlikterdiń ejelden qalyptasqan, saqtalǵan ataýlary tarıhtyń qarııa-shejiresindeı. Sondyqtan olarǵa engiziletin ár ózgeris tarıhty qaıta redaktsııalaý sekildi qabyldanady»,- deıdi A. Smaıyl.
Onyń sózine qaraǵanda zań jobasymen alǵash ret onomastıka jumysynyń ólshemderi aıqyndaldy. «Budan bólek, alǵash ret máslıhattardyń onomastıkalyq komıssııalar sheshimimen kelisýleri qamtylyp otyr. Bul da úlken mańyzǵa ıe másele», - dedi A. Smaıyl.