Jer silkinisinen QazUÝ jataqhanalary qırap qaldy – feık

<p>ALMATY. KAZINFORM &ndash; Áleýmettik jelilerde Ál-Farabı atyndaǵy Qazaq ulttyq ýnıversıtetiniń jataqhanalary qırady degen aqparat shyqty.</p>

Ýnıversıtettiń baspasóz qyzmeti jelide taraǵan aqparatqa qatysty málimdeme jasady.

«QazUÝ-dyń jataqhanalary, onyń ishinde N6, 8 jataqhanalardyń qıraýy men qaza tapqandar týraly aqparat shyndyqqa janaspaıdy. Qaza tapqandar men jataqhana qıraǵan oqıǵa bolǵan joq», — delinedi QazUÝ taratqan habarlamada.

Almatydaǵy stýdenttik jataqhanalarda jaǵdaı turaqty ekenin mınıstrlik te habarlady.

«Ýnıversıtet jataqhanalarynyń eshqaısysy zardap shekken joq. Stýdentter de din aman.
Jalǵan aqparatqa senbeýdi jáne taratpaýdy suraımyz», — delingen Ǵylym jáne joǵary bilim mınıstrligi habarlamasynda.

Eske salaıyq, qalanyń ár aımaǵynda tótenshe jaǵdaı kezinde halyq jınalatyn oryndardyń bári jumys istep tur. Kóbinese bul qurylys standarty men erejelerge sáıkes keletin bilim berý uıymdary: mektepter, balabaqshalar, kolledjder men ýnıversıtetter.