Jer silkinisin eskertetin júıe synaqtan ótip, almatylyqtar prezıdenttik habarlama aldy

<p>ALMATY. KAZINFORM &mdash; Búgin túste Android operatsııalyq júıesi bar mobıldi qurylǵyny paıdalanatyn Almaty turǵyndaryna &laquo;Prezıdent habarlamasy&raquo; keldi.</p>

Saǵat 12:00–de Android operatsııalyq júıesi bar mobıldi qurylǵylardy paıdalanýshylar qazaq, orys jáne aǵylshyn tilinde habarlama aldy.

Onda «Alańdamańyzdar. Halyqty habardar etý júıesine tekserý júrgizilip jatyr», «Ne bespokoıtes. Provodıtsıa proverka sıstemy opoveşenııa naselenııa», «Remain calm. The public alert system is being tested» dep jazylǵan. 

Buǵan deıin 31 mamyrda Almatyda Mass Alert tótenshe jaǵdaıdy jedel qulaqtandyrý júıesi iske qosylatynyn jazǵan bolatynbyz. 

Almaty ákimdigi atap ótkendeı, Mass Alert júıesiniń SMS-ke qaraǵanda birqatar artyqshylyǵy bar.

Habarlama mobıldi operator jelisine qosylǵan, sondaı-aq jeke tańdalǵan geografııalyq aımaqtaǵy barlyq abonentke keledi.

Sonymen qatar, júıe jelilerdiń shamadan tys júktelý jaǵdaıynda jumys isteıdi.

Cell Broadcast tehnologııasynyń basty artyqshylyǵy — qamtý aımaǵyndaǵy barlyq abonentti birden ári jappaı eskertedi.