Jer silkinisi Qazaqstannyń úsh megapolısinde jáne bes oblysynda sezildi

<p>ASTANA. KAZINFORM&nbsp;&mdash;&nbsp;Epıtsentri Almatydan ońtústik-shyǵysqa qaraı 264 shaqyrym jerde, Qyrǵyzstan men Qytaı shekarasynda ornalasqan túngi jer silkinisi Almaty men Shymkentten bólek, Astanada jáne Qazaqstannyń bes oblysynda sezildi, dep habarlaıdy TJM.</p>

Esterińizge sala keteıik, 3 qańtarda Astana ýaqytymen saǵat 00:09-da (qaıtadan Almatyda 00:42-de – 2 ball jáne 01:36 sezilmeıtin) jer silkinisi epıtsentri Almatydan ońtústik-shyǵysqa qaraı 264 shaqyrym jerde Qyrǵyzstan men Qytaı shekarasynda tirkelgen. 

QR Tótenshe jaǵdaılar mınıstrliginiń málimetinshe, Almatyda kúshti jer asty dúmpýleri oryn aldy – 5 ball. Shymkentte – 2 ball.

Jer silkinisi Astana, Almaty qalalary, Shyǵys Qazaqstan, Jambyl, Jetisý, Qaraǵandy ​​oblystarynda da sezildi.

TJM Daǵdarys kezindegi basqarý ortalyǵynyń bazasynda Tótenshe jaǵdaılar mınıstri general-maıor Syrym Sháriphanovtyń basshylyǵymen azamattyq qorǵaý qyzmetteriniń qatysýymen, jedel túrde respýblıkalyq tótenshe jaǵdaılardy joıý shtaby qurylyp, jumys isteýde.

Shtabta Tótenshe jaǵdaılar mınıstrligi psıhologtarynyń kómegimen senim telefondary ornatylǵan.

Tótenshe jaǵdaılar mınıstriniń buıryǵymen kúshter men quraldar joǵary daıyndyq rejımine qoıyldy.

Respýblıkanyń qalalary men aýdandarynda zardap shekkender men qıraýlar týraly aqparat túsken joq.

Qyrǵyzstan men Ózbekstannyń Tótenshe jaǵdaılar mınıstrligi kezekshi qyzmetteriniń málimetinshe, bul respýblıkalarda da jer silkinisi tirkelgen.