Jer silkinisi: Almaty qalasy 9-10 baldyq aımaqqa bólingen

<p>ALMATY.KAZINFORM &ndash; Almaty 10 baldyq jer silkinisi bolýy yqtımal seısmıkalyq qaýipti aımaqta ornalasqan. Bul týraly Kazinform agenttigine Ulttyq seısmologııalyq baıqaý jáne zertteýler ulttyq ǵylymı ortalyǵy dırektorynyń ǵylym jónindegi orynbasary Elızaveta Esenjigitova aıtty.&nbsp;</p>

Mamanyń aıtýynsha, Almaty qalasynyń aýmaǵy silkinis qarqyndylyǵy boıynsha 9-10 ballǵa jatady.

«Almaty qalasy úshin ázirlengen shaǵyn aýdandastyrý kartasyn nátıjesi boıynsha, qalanyń ońtústik bóligi 10 balldyq, al soltústik bóligi 9 balldyq silkinis týdyartyn aýmaqtarǵa jatady. Buryndary bolyp ótken kúshti jer silkinisterniń oshaqtarynyń basym kópshilgi taýly aımaqtarda ornalasqandyqtan qalanyń ońtústik bóligi seımıkalyq qarqyndylyǵy joǵary bolyp eseptelinedi», - dedi ol.

Qalanyń soltústigi 9 balldyq bolyp kórsetelgen aýmaǵynda, jer qyrtysyn quraıtyn topyraq erekshelikterine quramy qasıeti jáne ylǵaldanýyne qaraı ishinara shaǵyn 10 balddyq zonalarda bar. 

Seısmologtyń sózinshe, seısmıkalyq jaǵdaıǵa baǵa berý úshin Seısmologııa ınstıtýty ártúrli merzim boıynsha boljam jasap otyrady. Orta jáne qysqa merzimdi boljam dep eki bólinedi.Orta merzimdi esep jylyna eki ret jasalady.

Osyǵan deıin ol almatylyqtar jer silkinisine árqashan daıyn bolý kerektigin aıtqan bolatyn. 

Budan bólek, jer astyndaǵy seısmıkalyq datchıkter, janýarlar jer silkinisin sezetini týraly jazǵan bolatynbyz. 

Eske salaıyq, Almatyda 1116 ǵımarat tektonıkalyq jaryqta ornalasqan.