Jer silkinisi kezinde qalaı qorǵaný kerek
Aldymen úıdegi gaz, sý men elektr qýatyn sóndirý kerek. Eger jer silkinisiniń kúshi az bolsa, onda turǵan jerińizde sońyna deıin kútken abzal.
Eger jerdiń dúmpýi kúsheıse jáne úıdiń joǵary qabatynda bolsańyz ǵımarattan tezirek shyǵý qajet. Shyǵý múmkin bolmasa úıdiń qabyrǵasy, buryshy jáne esik jaqtaýynyń qaýipsiz jerine turyńyz nemese vannaǵa jata qalyńyz. Kereýet nemese ústeldiń astyna kirińiz, ol úıindi astynda qalýdan qorǵaıdy. Sol sııaqty múmkindiginshe tereze men aýyr jıhazdan alys bolyńyz jáne lıftini paıdalanbaǵan jón.
Eger kóshede bolsańyz, ǵımarattar men elektr jelici janynan aýlaq bolyńyz, sebebi elektr symdarynyń úzilý qaýpi bar. Sonymen qatar ǵımarat ishine kirmegen durys. Eger avtomobılde bolsańyz, dúmpý basylǵansha syrtqa shyqpańyz.
Jer silkinisi kezinde bolatyn qaıǵyly oqıǵalardyń basty sebepteri:
• ǵımarattardyń tolyqtaı nemese jekelegen bólikteriniń qıraýy;
• úzilgen elektr symdary;
• páterdegi aýyr zattardyń qulaýy;
• órt.
Jer silkinisi kezinde ǵımarattar kenetten qulaǵanda qandaı áreket etý kerek
Jer silkinisin estigende jáne ǵımarat teńsele bastaǵanda qujattar men birinshi kezekte qajetti zattardy alyp ol jerden tez shyǵý qajet.
Ǵımarattan baspaldaqpen túsińiz, óıtkeni lıfti kez kelgen ýaqytta isten shyǵýy múmkin. Evakýatsııa kezinde múmkindiginshe úreıge boı aldyrmaǵan jón.
Kóshede ǵımarattarǵa jaqyn turmaı, ashyq keńistikke ótińiz. Eger ǵımarat ishinde bolsańyz jáne odan shyǵý múmkin bolmasa, onda qaýipsiz oryndy panalańyz. ıAǵnı ǵımarat qabyrǵasynyń buryshy nemese esiktiń qasy.
Eger balamen bolsańyz olarǵa óz deneńizben tosqaýyl bolýǵa tyrysyńyz. Syrtqa tez shyǵý úshin úıdiń esigin aldyn ala ashyp qoıǵan durys. Úıdegi elektr quraldarynan tereze mańynan aýlaq ustańyz, eger órt shyqsa, ony ózdigińizden sóndirýge tyryspańyz.
Qaýip tóngen jaǵdaıda 102, 101,103 jáne 112 qyzmetin kómekke shaqyryp, júginińiz. Balkonǵa shyqpaı, sirińkeni paıdalanbańyz, sebebi gazdyń shyǵý qaýpi bolýy múmkin.
Úıindi astynda qalǵan jaǵdaıda qandaı áreket jasaǵan durys
Tereń demalyńyz, úreıge boı aldyrmańyz, bastysy oıyńyzdy jınaqtańyz. Qalaıda bolsa tiri qalýǵa tyrysyp, kómektiń mindetti túrde keletinine senińiz.
Múmkindiginshe ózińizge alǵashqy medıtsınalyq kómek kórsetińiz. Bolǵan jaǵdaıǵa ıkemdelýge tyrysyńyz jáne jan-jaǵyńyzǵa qarap shyǵý jolyn jolyn izdestirińiz.
Ózińizdiń qaı jerde ekenińizdi jáne sizden basqa adamdardyń bar-joǵyn anyqtaýǵa tyrysyńyz. Tyńdap, baryńyzdy aıtyp dybys berińiz. Kómek kelem degenshe ashtyqqa, shólge tótep berý úshin energııany beke shyǵyndamaǵan jón.
Jaqyn mańnan jaryq jáne dybys sıgnaldaryn berýshi zattardy izdestirip kórińiz.
Eger úıindi astynan joly tabylsa múmkindikti paıdalanyńyz. Ol úshin ózińizdi erkin ustap, shyntaǵyńyzdy deneńizge búrkep qımyldańyz.
Jer silkinisi saldarynan zardap shekken jáne qulaǵan ǵımarattarǵa jaqyndamańyz jáne oǵan kirmeńiz. Jerdiń qaıtalama dúmpýine daıyn bolyńyz. Óıtkeni, jer silkinisinen keıin 2-3 saǵatqa deıin qaýip seıilmeıdi. ıAǵnı zilzala araǵa birneshe saǵat, táýlik, tipti aı salyp qaıtalanýy múmkin. Birinshi jer silkinisinen keıin ýaqyt ótken saıyn, soǵurlym qaıtalaný yqtımaldyǵy az.
Foto: img.a1.ro