Jer saǵaty: Astanada 33 ǵımaratty jaryqtandyrý 1 saǵatqa óshiriledi

<p>ASTANA. KAZINFORM - 23 naýryz kúni saǵat 20:30-dan 21:30-ǵa deıin &laquo;Jer saǵaty&raquo; halyqaralyq ekologııalyq aktsııasy ótedi. Bul kúni álemniń myńdaǵan túrli sáýlet nysandary men ǵımarattarynda jaryq bir saǵatqa óshiriledi, dep habarlaıdy elorda ákimdiginiń resmı saıty.</p>

«Jer saǵaty» — Dúnıejúzilik jabaıy tabıǵat qorynyń (WWF) demeýshiligimen ótetin jyl saıynǵy halyqaralyq shara, oǵan álemniń túkpir-túkpirinen 2 mıllıardtan astam adam qatysady. Bul ártúrli elderdiń mıllıondaǵan adamdary 1 saǵatqa jaryq pen elektr quraldaryn óshiretin, álemniń myńdaǵan sáýlet eskertkishteri jaryqtaryn óshiretin ýaqyt.

Aktsııanyń maqsaty – tabıǵatqa jáne planeta resýrstaryna jaýapkershilikpen qaraý qajettiligine nazar aýdarý.

«Jer saǵaty» naýqany kezinde WWF planetanyń bolashaǵyna alańdaýshylyq belgisi retinde jaryqtar men turmystyq elektr qurylǵylaryn bir saǵatqa óshirýge shaqyrady.

2024 jyly Qazaqstanda «Jer saǵaty» elimizdiń tabıǵatyn saqtaý taqyrybyna arnalǵan. Biz Qazaqstannyń barlyq turǵyndaryn sanaly tańdaý jasaýǵa – qorshaǵan ortaǵa kómektesýge shaqyramyz.

Aktsııaǵa myna nysandar qoldaý kórsetedi:

1) Astana qalasynyń ákimdigi (Beıbitshilik kóshesi, 11);
2) Astana qalasy Saryarqa aýdanynyń ákimdigi (Saryarqa dańǵyly, 13);
3) Beıbitshilik, 9 mekenjaıyndaǵy ákimshilik ǵımarat;
4) E.Rahmadıeva atyndaǵy Memlekettik akademııalyq fılarmonııa (Kenesary k-si, 32);
5) M.Ótemisov atyndaǵy Oqýshylar saraıy (Mámbetova k-si, 1);
6) «Grand Alataý» turǵyn úı kesheni (Jeltoqsan kóshesi 2, 2/1, 2/2, 2/3);
7) «Arman» turǵyn úı kesheni (Jeńis dańǵyly, 1)
8) «Prestıj» turǵyn úı kesheni (Jeltoqsan kóshesi, 1);
9) «Radisson Hotel Astana» (Saryarqa dańǵyly, 4)
10) «Riverside Apartments» turǵyn úı kesheni (Saryarqa dańǵyly, 8);
11) «Park Inn by Radisson» qonaq úıi (Saryarqa dańǵyly, 8a);
12) «Sımfonııa» turǵyn úı kesheni (Saryarqa dańǵyly, 1);
13) «Bolashaq» turǵyn úı kesheni (Saryarqa dańǵyly, 3);
14) «Sana» turǵyn úı kesheni (Shevchenko k-si, 8);
15) «Edel» turǵyn úı kesheni (Saryarqa dańǵyly, 5);
16) «Kenesary» turǵyn úı kesheni (Saryarqa dańǵyly, 11);
17) Abaı dańǵyly, 13, ákimshilik ǵımarat
18) Saryarqa dańǵyly, 17 mekenjaıy boıynsha turǵyn úı ǵımaraty;
19) «Shańyraq» jataqhanasy (Saryarqa dańǵyly, 42, 44);
20) «Svechkı» turǵyn úı kesheni (Bógenbaı batyr 28, 30);
21) «KERUEN CITY» JShS;
22) «Astana-Báıterek» monýmenti;
23) «Qazmedıa ortalyǵy» teleradıokesheni;
24) Nur-Álem murajaıynyń pavılony;
25) Beıbitshilik jáne kelisim saraıy;
26) «Áziret Sultan» meshiti;
27) Qazaqstan Respýblıkasynyń Ulttyq murajaıy;
28) Respýblıkalyq Bas meshit;
29) «Aıland» otbasylyq oıyn-saýyq ortalyǵy;
30) «Astana Balet» JShS;
31) «QazMunaıGaz» UK;
32) «Qazaq eli» monýmenti;
33) «Máńgilik El» saltanatty arkasy.