Jer reformasy jónindegi komıssııa ár senbi saıyn otyrys ótkizedi
«Kóterilgen suraqtardyń bári mańyzdy. Sondyqtan, aptasyna bir ret jınalýǵa usynys beremin. Bárińiz jumystaǵy azamatsyzdar ǵoı, senbi kúni tańǵy 10-da jınalyp otyrýǵa qarsy emessizder me? Aıtqan oılaryńyzǵa tolyq qosylamyn jáne alǵys aıtamyn. Búgin 60 shaqty usynys tústi, bárin jazyp aldyq. Іshterińizde de talaı suraq bar ekeni belgili, onyń bárin aldaǵy otyrystarda birge talqylaımyz. Búgin de segiz memlekettik organnyń ókilderi arnaıy shaqyryldy, olardy kúndelikti jumys isteıtin top dep qabyldaımyz. Berilgen usynystardyń bárin taldap, 3-4 topqa bólip shyǵarsaq, árbir top kelesi senbige deıin naqty jumys isteıdi», - dedi spıker.
Aıta keteıik, búgin Jer reformasy jónindegi komıssııanyń birinshi otyrysy ótti. Sanıtarlyq normalardy saqtaý qajettiligine baılanysty komıssııa jumysy Aýyl sharýashylyǵy mınıstrliginiń resmı saıtynda jáne Facebook paraqshasynda onlaın kórsetildi.