Jer qoınaýyn paıdalanýshylarmen 454 kelisimshart jarııa etiledi

ASTANA. QazAqparat – Osy jyldyń birinshi toqsatynda jer qoınaýyn paıdalanýshylarmen jasalǵan 454 kelisimshart jarııa etiledi. Bul týraly Májilis depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Jer qoınaýy aıasyndaǵy óndirýshi salalar qyzmetiniń ashyqtyq bastamasy standarttaryna sáıkes, Úkimet qatty paıdaly qazbalarǵa berilgen barlyq 1 973 lıtsenzııa derekterin jarııa etti. Osy jyldyń birinshi toqsanynda sońǵy benefıtsıary kórsetile otyryp, jer qoınaýyn paıdalanýǵa arnalǵan 454 kelisimshart jarııalaýǵa jatady», - delingen Úkimet basshysynyń jaýabynda.

Sonymen qatar Premer-Mınıstr qazaqstandyq kadrlardy oqytýdy qarjylandyrý, óńirlerdi áleýmettik damytý jáne ǵylymı-zertteý, ǵylymı-tehnıkalyq jáne tájirıbelik-konstrýktorlyq jumystar, jer qoınaýyn paıdalaný jónindegi operatsııalardyń saldaryn joıýdy qamtamasyz etý boıynsha kómirsýtek shıkizaty men ýran óndirý salasyndaǵy jer qoınaýyn paıdalanýǵa arnalǵan 150 úlgilik kelisimshartqa qatysty aqparat qoljetimdi ekenin atap ótedi.