Jer qoınaýyn paıdalanýshylardy monıtorıngileýge arnalǵan platforma ázirlendi
Memleket basshysynyń tapsyrmasy boıynsha Tsıfrlyq damý, ınnovatsııalar jáne aeroǵarysh ónerkásibi mınıstrliginiń basshylyǵymen «Qazaqstan Ǵarysh Sapary» UK» AQ jáne Indýstrııa jáne ınfraqurylymdyq damý mınıstrliginiń qatysýymen Minerals.gov.kz jer qoınaýyn paıdalaný platformasy ázirlendi.
Ol geologııalyq aqparatqa qol jetkizýdi qamtamasyz etýge, lıtsenzııalyq ýchaskelerdi bólýge, sondaı-aq jer qoınaýyn paıdalanýshylardyń eseptiligi men qyzmetiniń monıtorıngin qalyptastyrýǵa arnalǵan.
Endi jer qoınaýyn paıdalanýshylar men áleýetti ınvestorlarǵa irgeles ınfraqurylymnan bastap, geologııalyq jáne geofızıkalyq esepterge deıingi elektrondyq formatta suralǵan ýchaske týraly tolyq málimet qoljetimdi bolady.
Platformada qatty paıdaly qazbalardy barlaýǵa jáne óndirýge ótinimderdi qabyldaý, qaraý jáne lıtsenzııa berý boıynsha jumystar júrgiziledi. Buǵan qosa, onlaın qabyldaýmen qatar, tipti qaǵaz túrinde berilgen ótinimder de tirkeledi. Osylaısha, «Jer qoınaýy jáne jer qoınaýyn paıdalaný týraly» Kodekste kózdelgen «birinshi kelgen – birinshi alady» qaǵıdaty boıynsha jer qoınaýyn paıdalanýshynyń jer qoınaýyna qol jetkizý quqyǵyn saqtaýdyń ashyqtyǵy qamtamasyz etiledi.
Qazirgi ýaqytta jańa fýnktsııalardy ázirleý jáne 2023 jylǵy mamyrǵa josparlanǵan ónerkásiptik paıdalanýǵa engizýge daıyndyq boıynsha jumystar, sondaı-aq jer qoınaýyn paıdalanýshylardy oqytý jáne platforma jumysyn kórsetý júrgizilip jatyr. Bul rette ázirleýshiler servısterdi odan ári damytýda eskeriletin fýnktsıonaldy jaqsartý jáne damytý jóninde usynystar jınaýdy júzege asyrady.
Platformanyń avtomattandyrylǵan quraldary tabıǵatty paıdalaný qaqtyǵystaryn birden kórsetedi. Paıdalanýshylardyń zańnamaǵa sáıkes barlaý nemese óndirý jumystaryn júrgizýge ruqsat etilgen nemese tyıym salynǵan ýchaskelerdi bir tereze arqyly qaraýǵa jáne tańdaýǵa múmkindigi bolady.
Platformaǵa 30 myń geologııalyq esep júktelgen. Bıyl kem degende 24 myń esepti zerdeleý kartasyn tolyqtyrý josparlanyp jatyr. Jer qoınaýyn paıdalanýshylardyń lıtsenzııalyq-kelisimsharttyq talaptarynyń oryndalýyn monıtorıngileý boıynsha jańa fýnktsııalar ázirlenedi.
Aıta ketsek, buǵan deıin bul jobany Memleket basshysynyń tapsyrmasy boıynsha Ekologııa jáne tabıǵı resýrstar mınıstrligi júzege asyrǵan bolatyn, biraq keıin bul jumys Tsıfrlyq damý, ınnovatsııalar jáne aeroǵarysh ónerkásibi mınıstrliginiń qaramaǵyna berildi.