Jer qoınaýyn paıdalaný týraly kodekske túzetýler engizilmek

ASTANA. QazAqparat - Zańnamaǵa geologııalyq saladaǵy rásimderdi jaqsartýdy jáne ońaılatýdy kózdeıtin tıisti ózgerister engizý kerek. Bul týraly Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Geologııalyq barlaý jumystaryn júrgizýdiń jáne jalpy tabıǵı resýrstardy utymdy paıdalanýdyń tıimdiligin arttyrý qajet. Zańnamaǵa geologııalyq saladaǵy rásimderdi jaqsartýdy jáne ońaılatýdy kózdeıtin tıisti ózgerister engizý kerek. Bul salaǵa ınvestıtsııa tartý – óte mańyzdy másele. Indýstrııa, Syrtqy ister, Qarjy jáne Ulttyq ekonomıka mınıstrlikteri «Jer qoınaýy jáne jer qoınaýyn paıdalaný týraly» Kodekske tıisti túzetýler ázirleýi kerek», - dedi Á. Smaıylov Úkimet otyrysynda Prezıdenttiń QR Parlamenti sessııasynyń ashylýynda bergen tapsyrmalaryn iske asyrý barysyn talqylaý kezinde.

Budan bólek Úkimet basshysy azyq-túlik qaýipsizdigin qamtamasyz etý úshin agrobıznes sýbektilerine arnalǵan qoldaý quraldaryn jetildirýdi jedeldetý qajet ekenin aıtty.

«Jeke qosalqy sharýashylyqtardyń damýyna jeńildikpen nesıe berýdi kózdeıtin «Aýyl amanaty» baǵdarlamasyn iske asyrý aýyl turǵyndarynyń ál-aýqatyn jaqsartýǵa múmkindik beredi. Aýyl sharýashylyǵy mınıstrligi osy tapsyrmalardyń iske asyrylýyn erekshe baqylaýǵa alýy kerek», - dedi Premer-Mınıstr.