Jer qoınaýyn paıdalanýshylar otandyq taýarlardy satyp alýǵa basymdyq beretin bolady
«Memleket basshysy 3 jyl ishinde jer qoınaýyn paıdalanýshy kompanııalardyń, kvazımemlekettik jáne memlekettik sektordyń satyp alý salasyndaǵy jergilikti ónimder men qyzmetterdiń úlesin 60 paıyzǵa jetkizýdi tapsyrdy. Atalǵan mindetti iske asyrý otandyq óndirýshilerdi tapsyrystarmen qamtamasyz etýge, olardyń iskerlik belsendiligin arttyrýǵa múmkindik beredi. Bul ishki óndiristi damytý úshin óte úlken rezerv ekeni anyq», - dedi Úkimet basshysy.
Onyń atap ótýinshe, qazir kóptegen el, onyń ishinde ekonomıkasy qarqyndy damyǵan memleketterdiń ózderi ishki naryqty qoldaý jáne qorǵaý saıasatyn belsendi júrgizip keledi.
«Halyqaralyq valıýta qory mundaı qorǵaý sharalarynyń jartysyna jýyǵy Qytaı, Eýropalyq odaq jáne AQSh ekonomıkalaryna tıesili ekenin atap kórsetti. Olar ımporttyq taýarlardyń úlesin tómendete otyryp, óz óndirýshilerin qoldaý sharalaryn keńinen qoldanýda. Qazaqstan da ekonomıkany nyǵaıtýǵa, onyń ishinde otandyq óndiristi qoldaı otyryp, damytýǵa nıetti. Osyndaı aýqymdy mindetti sheshý úshin satyp alý rásimderin júrgizý kezindegi talaptardy qatańdatatyn zańnamalyq normalar qabyldandy. Satyp alý salasyn baqylaýdy odan ári kúsheıtýdi kózdeıtin túzetýler Májiliske engizildi. Árbir jer qoınaýyn paıdalanýshy otandyq taýarlardy satyp alýǵa basymdyq beretin Elishilik qundylyqty damytý baǵdarlamasyn qabyldaıtyn bolady», - dedi Oljas Bektenov.