Jer qoınaýyn paıdalaný salasynda CRIRSCO halyqaralyq standarttaryn engizý máseleleri talqylandy

<p>QR Premer-Mınıstri Álıhan Smaıylov jer qoınaýyn paıdalaný salasynda CRIRSCO halyqaralyq standarttaryn engizý máseleleri jóninde keńes ótkizdi, dep habarlaıdy <a href="https://www.inform.kz/" target="_blank" rel="noopener">Kazinform.</a></p>

Talqylaýda Premer-Mınıstr jańa ken oryndary boıynsha CRIRSCO (KazRC) standarttaryna kóshýdi belgilengen merzimde qamtamasyz etýdi, barlanyp jatqan ken oryndary úshin QR paıdaly qazbalar qorlary jónindegi memlekettik komıssııanyń qyzmetin saqtap qalýdy tapsyrdy. 

Sondaı-aq KazRC standarttary boıynsha esepterdi jasaıtyn quzyretti tulǵalar úshin jaýapkershilikti, onyń ishinde qylmystyq jaýapkershilikke deıin qarastyrý jáne mundaı esepterge qoıylatyn talaptardy azaıtý mindetteldi. Bul tásil qatty paıdaly qazbalar ken oryndaryn ıgerý kezinde memleket pen jeke bıznestiń múddelerin eskerýge múmkindik beredi. 

CRIRSCO – Aýstralııa, AQSh, Kanada, Reseı, Úndistan, Túrkııa, Jańa Zelandııa sııaqty elderdiń, sondaı-aq Afrıka, Eýropa (23 el), Ońtústik Amerıka jáne Ońtústik-Shyǵys Azııanyń keıbir memleketteriniń qatty paıdaly qazbalar qory boıynsha jarııa túrde esep berý kodeksterin biriktiretin halyqaralyq komıtet. 

Qazaqstandyq KAZRS kodeksi CRIRSCO tobyna 2016 jyly qabyldandy. Halyqaralyq standarttar elimizde 2024 jyldan bastap kúshine enýi tıis. Bul geologııalyq barlaý salasyna sheteldik ınvestıtsııalardy tartýǵa jáne jalpy osy salaǵa eleýli serpin beredi.