Jer qatynastary salasyndaǵy sheneýnikter 2 mlrd. teńge zalal keltirdi - QR UEM

ASTANA. QazAqparat - QR Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti 2015 jyly jergilikti atqarýshy organdardyń jer ýchaskelerin berý, olardyń nysanaly maqsatyn ózgertý jáne memlekettik muqtajdar úshin májbúrlep ıelikten shyǵarý týraly sheshimderdiń zańdylyǵyna 124 tekserý, onyń ishinde: 29 josparly tekserý; jeke jáne zańdy tulǵalardyń, memlekettik organdardyń ótinishteri, sondaı-aq prokýratýra organdarynyń tapsyrmalary boıynsha 95 jospardan tys tekserý júrgizdi.

Bul týraly QR Ulttyq ekonomıka mınıstrliginiń baspasóz qyzmeti habarlady.

Tekserý barysynda jergilikti atqarýshy organdardyń jer ýchaskelerin berý, berýden bas tartý jáne olardyń nysanaly maqsatyn ózgertý týraly 27850 sheshim qabyldandy.

Kórsetilgen sheshimderdiń ishinen 1571 sheshim jer zańnamasynyń normalary men talaptaryn buza otyryp qabyldanǵan, 143 sheshim zańsyz nemese oryndalmaǵan retinde kúshin joıýǵa jatady.

Laýazymdy tulǵalarǵa qatysty 261 ákimshilik is qozǵaldy.

Jergilikti atqarýshy jáne ýákiletti organdardyń laýazymdy tulǵalaryna aıyppul túrinde 35 jazalaý sharasy qabyldandy, aıyppuldyń quny 4,1 mln. teńgeni quraıdy.

Jergilikti atqarýshy organdarǵa jer zańnamasyn buzýshylyqty, oǵan yqpal etetin sebepter men jaǵdaılardy joıý týraly 84 nusqama berildi.

Sonymen qatar, ákimdikterdiń jáne onyń ýákiletti organdarynyń 9 laýazymdy tulǵasy ákimshilik jaýapkershilikke tartyldy.

Berilgen nusqamalardyń nátıjeleri boıynsha 101 zańsyz sheshimniń kúshi joıyldy, qalǵandary boıynsha narazylyq-talap etý jumysy júrgizilip jatyr.

Komıtet zańsyz qabyldanǵan sheshimniń kúshin joıý týraly sotqa 5 talap-aryz berdi, olardy sot tolyq qanaǵattandyrdy.

Sonymen, sot tártibinde Soltústik Qazaqstan oblysynyń Jambyl, Qyzyljar aýdandary ákimdikteriniń alańy 329,0 myń ga aýyl sharýashylyǵy maqsatyndaǵy jerdi «Bogvı» JShS-qa, «Donskoe» JShS pen «Vega» JShS-qa berý týraly zańsyz qabyldanǵan sheshimderiniń kúshi joıyldy.

Búgingi kúni «Vega» JShS-nyń jeri memlekettik menshikke qaıtaryldy, «Bogvı» JShS pen «Donskoe» JShS-nyń jeri zańsyz dep toqtap tur jáne uzaq ýaqyt boıy nysanaly maqsatta paıdalanylmaǵandyqtan memlekettik menshikke qaıtarylatyn bolady.

2015 jyly Komıtettiń mamandary baqylaýdyń ózge nysandaryna sáıkes prokýratýra organdary jáne Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi qozǵaǵan qylmystyq istiń materıaldary boıynsha 230 jer ýchaskesine qatysty 82 qorytyndy daıyndady

Qylmystyq isterdi qaraýdyń barysynda mamandar qorytyndylar daıyndady, osy qorytyndylardyń negizinde laýazymdy tulǵalardyń zańsyz jáne alaıaqtyq áreketteriniń nátıjesinde memleketke 1 mlrd. 934 mln. teńge somasynda shyǵyn kelgeni anyqtaldy.

Sottardyń sheshimderi boıynsha 5 laýazymdy tulǵa sottaldy jáne memleketke 158 mln. teńge mólsherindegi shyǵyn óteldi. Qalǵan 1 mlrd. 776 mln. teńge boıynsha sot tergeýi júrgizilip jatyr.