Jer bul adamdy ondaǵan, júzdegen jyldar boıy asyraı alatyn óndiristiń negizgi quraly - Pavel Rafalskıı

PETROPAVL. QazAqparat - Soltústik Qazaqstan oblysy Taıynsha aýdanyndaǵy «Vıshnevskoe» JShS-y kóp jyldar boıy astyq egýmen aınalysyp keledi. Olar 43 myń gektar alqapqa dándi jáne maıly daqyldar egedi. Bul týraly aımaqtyq tilshige bergen suhbatynda «Vıshnevskoe» JShS-nyń bas dırektory Pavel Rafalskıı málim etti.

«Biz dándi jáne maıly daqyldar egemiz. Ótken jyldan bastap jasymyq ege bastadyq. Onyń quny qymbat. Bizdiń jumysymyz jerdiń ylǵaldylyǵy men shuraılylyǵyn arttyrýǵa baǵyttalǵan. Aýyl sharýashylyǵy ónimin shyǵarýshylardy memlekettiń qoldaǵany da biz úshin mańyzdy. Agrarshylar aıaǵyna nyq turýy úshin ýaqyt kerek. Biz bul baǵytta jumystar atqaryp jatyrmyz.

Sheteldikterge jer satady degen ósek ekenine senimdimin. Muny Prezıdent, Parlament jáne Senat túsindirdi. Sheteldikterde jer satyp alý quqyǵy joq. Bul durys dep sanaımyn. Jerdi satyp alý múmkindigi paıda bolǵany qalypty jaǵdaı. Egin sharýashylyǵymen aınalysatyndar úshin jaqsy múmkindik. Satyp alatyndar jerdi baǵalaıdy dep oılaımyn. Biz jerdi 49 jylǵa jalǵa aldyq», - dedi sharýashylyq basshysy.
Jer - bul onjyldyqtar, júz jyldar boıy adamdy asyraı alatyn óndiris quraly dep sanaıdy ol.

«Biz jerdi kútip-baptaımyz. Mıneraldy tyńaıtqyshtarmen óńdeımiz. Jerdiń qunarlylyǵyn saqtap qalý úshin qoldan kelgenin jasap jatyrmyz. Jer - bul ondaǵan, júzdegen jyldar boıy adamdy asyraı alatyn óndiristiń negizgi quraly. Elimizde onyń shuraılylyǵyn arttyrý men muraǵa qaldyrý úshin barlyq jaǵdaılar jasalyp jatyr. Qabyldanǵan sharalar durys dep esepteımin. Adamdarǵa olarda jerdi satyp alý quqyǵy bar ekenin túsindirip, durys paıdalanýyna yqpal kerek», - dedi «Vıshnevskoe» JShS bas dırektory Pavel Rafalskıı.