Jer aýktsıondary arqyly bıýdjetti 270 mlrd teńgege toltyrýǵa bolady – Qulybaev
«Jer aýktsıondarynyń áleýeti óte álsiz paıdalanylady. Biz 2018 jylǵy aqparattardy jınadyq. Jer telimderine 17 100 ruqsat berilgen. Bul shamamen 200-250 gektar jer jáne sonyń nebári 1 100 ýchaskesi ǵana jer aýktsıony arqyly bólingen. Biz munan memleket kirisin arttyrýdyń úlken áleýetin kórip otyrmyz», - dedi ol.
Osy rette Tóralqa tóraǵasy naqty mysal da keltirip ótti.
«Máselen, Almaty qalasynda ýchaskeniń bastapqy quny aýktsıon barysynda 88 esege deıin qymbattaǵan. Aýktsıon arqyly ótken kezdegi bıýdjettiń áleýeti 270 mlrd teńgeden asyp jyǵylady. Osy qarajattardyń barlyǵyn halyqtyń az qamtylǵan tobyna, jalaqyny kóterýge jumsaýǵa bolar edi», - dedi T.Qulybaev.
Sonymen qatar ol ekonomıkadaǵy memlekettik sektordyń qatysýyn qysqartý boıynsha da alda mindet turǵanyn aıtty.
«Búgingi kúni memlekettik jáne kvazımemlekettik 7 myńnan astam kásiporyn jumys istep tur. Elbasy memlekettik kásiporyndardyń ekonomıkaǵa qatysýyn qysqartý týraly mindet júktedi. Biz Úkimetpen birlesip, kvazımemlekettik kásiporyndardy ońtaılandyrý, olardyń qyzmet túrleri, sonymen qatar memlekettik tapsyrmalardy ońtaılandyrý máseleleri boıynsha saraptamalyq jumys júrgizdik», - dedi T.Qulybaev.