Jeńý úshin ne isteý kerektigin bilemin - Golovkın

ASTANA. QazAqparat - Qazaqstandyq boksshy Gennadıı Golovkın (37-0-1, 33 KO) meksıkalyq Saýl Alvarespen (49-1-2, 34 KO) revanshy aldynda ózin senimdi ustaýda, dep habarlaıdy QazAqparat Sports.kz saıtyna silteme jasap.

«Men úı tapsyrmasyn oryndadym. Bul aıqasty jeńý úshin ne isteýim kerektigin bilemin. Bul birinshisine qaraǵanda úlken aıqas bolady. Birinshisinde ózimdi jaqsy sezindim. Maǵan jaıly boldy, jeńgenimdi sezdim. Biraz ýaqyt demaldym. Bul aıqas ózgeshe bolmaq. Aldyn ala boljam jasamaımyn. Biraq úlken shoý kórsetemin», - dep keltiredi Golovkınniń sózin Worldboxingnews.net.

Eske salaıyq, Gennadıı Golovkın men Saýl Alvares arasyndaǵy ekinshi jekpe-jek 5 mamyrda Las-Vegastaǵy T-Mobile Arena-da ótedi.