Jeńis Qasymbek sol jaǵalaý kóshelerin nelikten sý basqanyn túsindirdi

<p>ASTANA. KAZINFORM &ndash; Elorda ákimi Jeńis Qasymbek turǵyndarmen kezdesýde nóser sýy aǵatyn aryq joldarynyń jumysy týraly syn-pikirlerge jaýap berdi.</p>

«Túrli jańbyr, kóktemgi qar erý kezeńderi ótti, tipti sý tasqyny qaýpin turaqty túrde ótkerdik deýge bolady. Ótken jyly Momyshuly dańǵylynda, Petrov kóshesi men Eýrazııa aýdanynda sý basý máselesi bolǵan edi. Barlyq máseleler sheshildi, jyldan-jylǵa problemalyq aýmaqtar sany azaıyp keledi. Máselen, úsh kún boıy jańbyr jaýyp tur, sý basý máselesin kórgen joqsyzdar», - dedi ákim. 

Sonymen birge, J. Qasymbek sol jaǵalaýdaǵy Turan-Myńjyldyq aýmaǵyn nelikten sý basqanyn túsindirdi. 

«Birinshiden bul aýmaqta qurylys qyzý júrip jatyr, áli tolyǵymen qoldanýǵa berilmegen. Bul suraqty da 1,5-2 kúnde jyldam sheshtik. Bizdiń qalamyz qarqyndy túrde ósip keledi, jylyna 4 mln sharshy metr baspana salamyz. Basqa da jańa aýmaqtarda mundaı másele týyndaýy múmkin, eń bastysy múmkindiginshe jedel túzetýge tyrysamyz», - dedi elorda ákimi.