Jeńis Qasymbek Astanadaǵy sý tapshylyǵy máselesin qalaı sheshpek

<p>Astanada adam basyna beriletin sýdyń normatıvi 250 lıtrden 150 lıtrge deıin tómendetilýi múmkin. Bul týraly qala ákimi Jeńis Qasymbek Jibek Joly telearnasyna bergen suhbatynda&nbsp; aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Úırenip alǵanbyz. Sovet odaǵynan qalǵan mentalıtet bar. Jalpy normatıv boıynsha úıde keminde 22 gradýs temperatýra bolýy kerek. Mysaly, shetelde ondaı normatıv joq. Ortasha 15-17 gradýs. Odan artyq kótermeıdi. Sol sııaqty bizde sýdyń normatıvi — bir adamǵa 250 lıtr. Eýropada — 150 lıtr. Endi qoǵamda myna máseleni talqylap jatyr. Mysaly, normatıvti 150 lıtrge deıin túsirsek, ári qaraı 150 lıtrden artyq paıdalansa, basqa tarıf tóleý kerek. Saralanǵan tarıf degen sol», — dedi ákim.

Onyń sózinshe, mundaı shara turǵyndardy sý únemdeýge ıtermeleıdi.

«Bolashaqta bári bolady. Oǵan biz báribir kelemiz. Qalanyń máslıhaty, jalpy ákimdik osy máselemen aınalysyp jatyr. Kelesi jyly osy problemamen qoǵamǵa júginemiz. Máseleni qala turǵyndarymen birge talqylaımyz. Sý únemdelse, tarıf tómen bolady. Kóp paıdalansań, onda tarıf basqasha bolady. Jalpy álemde solaı», — dedi Jeńis Qasymbek.