Jeńis Qasymbek astanadaǵy keptelisti kóp kópir salý arqyly sheshpek

<p>ASTANA. KAZINFORM &ndash; Sońǵy ýaqytta elordada 9 baldyq keptelis kórsetkishi jıi tirkeledi.</p>

- Keptelis negizinen qalanyń eki jaǵalaýyn jalǵaıtyn kópirlerdiń mańynda týyndap otyr. Búginde qalada 9 kópir bar. Sondyqtan, aldymen ózenniń eki jaǵalaýyn baılanystyratyn kópirlerdi kóbeıtý kerek. Qazir mundaı qurylystardyń jobasy qaralyp jatyr, - dedi Jeńis Qasymbek qalanyń áleýmettik-ekonomıkalyq damýy týraly esep bere turyp. 

Osy oraıda shahar basshysy Uly dala jáne Táýelsizdik dańǵylyndaǵy kópirdi paıdalanýǵa berý arqyly Máńgilik el jáne Turan dańǵylynda keptelistiń belgili bir deńgeıde azaıǵanyn aıtyp otyr. 

- Ótken jyly Sh.Aıtmatov kóshesin Uly dala dańǵylyn jalǵaıtyn kópirdi iske qostyq. Bul baǵyttaǵy jumys jalǵasady, qoldanystaǵy jol kólemi ulǵaıady jáne keńeıedi. Sonymen qatar kópirler men qoǵamdyq kólikter sany artady. Qala turǵyndary qoǵamdyq kólikke kóshýi úshin barynsha qolaıly ınfraqurylym quratyn bolamyz. Sonymen qatar, LRT-di bir jyldan keıin iske qosylǵanda júkteme jeńildeıdi, - deıdi J. Qasymbek. 

Aıta keteıik, elordanyń taǵy bir problemasy jyl saıyn jaýyn-shashyn maýsymynda qala kóshelerin sý shaıady. Osyǵan oraı ákim qalada sý shaıý boıynsha sheshilmegen tórt qana ýchaskeniń qalǵanyn aıtty.