Jeńil kólik avtobýspen soǵyldy: Almaty oblysynda 5 adam kóz jumdy

<p>Almaty oblysynda jol-kólik oqıǵasy saldarynan 5 adam qaza boldy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://polisia.kz/" target="_blank" rel="noopener">Rolisia.kz-ke</a> silteme jasap habarlaıdy.</p>

Oqıǵa, búgin Jambyl aýdanynyń aýmaǵynda Almaty-Bishkek avtojolynyń 43-shaqyrymynda boldy. "Hıýndaı" kóliginiń júrgizýshisi – 37 jastaǵy áıel qarsy qozǵalys jolaǵyna shyǵyp ketip, 36 jastaǵy azamat basqaryp kele jatqan avtobýspen soqtyǵysqan.

Jol apaty saldarynan jeńil avtokóliktiń 37 jastaǵy júrgizýshisi men 3 jolaýshysy, sondaı-aq avtobýsta bolǵan 1 jolaýshy oqıǵa ornynda qaza tapty.

«Atalǵan derek QR Qylmystyq kodeksiniń 345-baby boıynsha Jambyl aýdany polıtsııa bóliminde tirkeldi. Qazirgi ýaqytta jol apatynyń barlyq mán-jaıyn obektıvti zertteýge baǵyttalǵan saraptama taǵaıyndalyp, qajetti tergeý áreketteri júrgizilip jatyr», - delingen polıtsııa málimetinde.