Jeńistiń 70 jyldyǵyna arnalǵan avıashoýǵa Uly Otan soǵysy keziniń toǵyz ushý apparaty qatysady

ASTANA. QazAqparat - Jeńistiń 70 jyldyǵyna arnalǵan áskerler paradynyń quramyndaǵy eń iri shoýdyń biri bolmaq avıashoýǵa zamanaýı avıatsııa tehnıkasynyń 75 birligi, sondaı-aq Uly Otan soǵysy keziniń toǵyz ushý apparaty qatysady. Bul týraly QR Qorǵanys mınıstrliginiń baspasóz qyzmetinen habarlady.

Avıashoý alańdaǵy paradtyń tarıhı jáne zamanaýı bólimindegi jaıaý sherý jáne mehanıkalandyrylǵan lekter ótkennen keıin shyǵady. Áýege Mı-8, Mı-17, Mı-26, ES-145 jaýyngerlik tikushaqtary, Tý-134, Tý-154, AN-26, AN-72, S-295 áskerı-kóliktik avıatsııa ushaqtary jáne Sý-25, Sý-27, Sý-30, MıG-27, MıG-29, MıG-31 maıdandyq avıatsııa ushaqtary kóteriledi. Alda ótkiziletin avıa-shoýdyń jalpy jospary ázirge qupııa ustalyp otyr. Alaıda ushqyshtar ushaqtar arqyly «70» sanyn jasap, ıaǵnı mereıtoı kúniniń nyshanyna uqsap tizilip turyp, sodan keıin jeke jáne túrli toptardyń joǵarǵy pılotajynyń keskindemesin oryndaý ıdeıasyn aıtýda. Uly Otan soǵysy ardagerlerin laıyqty deńgeıde quttyqtaý jáne QR QK ÁQK Áskerı-áýe kúshterin kórsetý úshin paradtyń qazirgi kezeńine 185, al tarıhı bólimine toǵyz bilikti tájirıbeli qazaqstandyq ushqysh aldyn ala iriktelip alyndy. Qazirgi ýaqytta olar belsendi túrde jattyǵýlarmen aınalysyp, ushýdyń teorııalyq jáne praktıkalyq daıarlyq kýrsynan ótýde.