Jeńistiń 70 jyldyǵyna arnalǵan áskerı paradty tikeleı translıatsııa arqyly tamashalaýǵa bolady

ASTANA. QazAqparat - Elimizdiń basty alańynda ótetin Otan qorǵaýshy kúni men Uly Otan soǵysyndaǵy Jeńistiń 70 jyldyǵyna arnalǵan aıtýly áskerı paradty tikeleı translıatsııa arqyly barlyǵy kóre alady, dep habarlaıdy QR Qorǵanys mınıstrliginiń baspasóz qyzmetinen.

Qazaqstannyń 14 oblysy men Astana jáne Almaty qalalarynyń turǵyndary áskerı paradty Qorǵanys mınıstrliginiń resmı saıtynan , respýblıkalyq telearnalardan, sondaı-aq barlyqalańda ornalasqan LED-ekrandardan tikeleı efır arqyly kóre alady.

Esterińizge sala ketsek, atalǵan parad táýelsiz Qazaqstan tarıhyndaǵy aýqymdy, ári aıtýly parad bolmaq. Oǵan Qazaqstan Respýblıkasy Qarýly Kúshteriniń barlyq túrlerinen, basqa da áskerleri men áskerı quralymdarynan bes myńǵa jýyq áskerı qyzmetshi, sondaı-aq eki júz birlik qarý-jaraq pen áskerı tehnıka, 70 birlik avıatsııa ushaǵy men tikushaǵy qatysady.