Jeńistiń 65 jyldyq mereıtoıyna oraı «Shaqyrylymdy as» qaıyrymdylyq aktsııasy ótkiziledi

ASTANA. Sáýirdiń 22-si. QazAqparat - Búgin Qazaqstan stýdentteri Alıansy men «Qamqor» stýdenttik volonterlik qozǵalysy Jeńistiń 65 jyldyq mereıtoıyna oraı «Shaqyrylymdy as» qaıyrymdylyq aktsııasyn ótkizedi.

Bul aqparatty atalǵan uıymdardyń baspasóz qyzmetinen habarlady.

«Uly Jeńistiń 65 jyldyǵy Qazaqstan úshin ǵana emes, sonymen birge búkil álem úshin mańyzdy. 1941-1945 jyldardaǵy Uly Otan soǵysy ardagerlerine áleýmettik kómek kórsetý jáne ardagerlerdiń áleýmettik-ekonomıkalyq jaǵdaıyna qolushyn berý - bizdiń basty maqsatymyz. Osy oraıda uıymdastyrylǵaly otyrǵan «Shaqyrylymdy as» aktsııasy Uly Jeńistiń 65 jyldyǵyna arnalady», delingen baspasóz habarlamasynda.