Jeńistiń 65 jyldyǵy qarsańynda kóptegen qazaqstandyq ardagerler jaýyngerlik dańq oryndaryna barady

ASTANA. Mamyrdyń 4-i. QazAqparat - Kóptegen qazaqstandyq ardagerler 65-shi Jeńis kúnderin soǵys jyldary ózderi azat etip, qorǵaǵan memleketterdiń astanasynda qarsy alady.

Sársenbi, mamyrdyń 5-i kúni astanalyq áýejaıdan Qazaqstan Qorǵanys mınıstrligi ofıtserleriniń shyǵaryp salýymen Cheh Respýblıkasynyń astanasy - Pragaǵa eki qazaqstandyq ardager ushady. Olar Astanadan Venaǵa qonyp, sol jerden Pragaǵa ushyp barady. Soǵys ardagerleriniń densaýlyq jaǵdaıyn shyǵaryp salýshylar quramyna kiretin áskerı dáriger baqylaıdy, dep habarlaıdy QR Qorǵanys mınıstrliginiń baspasóz qyzmeti.

Soǵys ardagerleriniń densaýlyǵyn baqylaý úshin vedomstvo zor kóńil bólip otyrǵandyǵyn aıta ketken jón. Árbir delegatsııada áskerı dáriger bar. Eń kóbi - 25 adam - Astanadan Máskeýge ushatyn delegatsııa quramynda.

Máskeýdiń Qyzyl alańyndaǵy sherýdi Uly Otan soǵysynyń 32 qazaqstandyq ardageri tamashalaıdy. Olar Qorǵanys mınstrligi men Qazaqstan Respýblıkasynyń taǵy da basqa memlekettik organdar qyzmetkerleriniń, buqaralyq aqparat quraldary ókilderi men týysqandarynyń shyǵaryp salýymen beısenbi, mamyrdyń 6- kúni Astanadan ushady.

Dál sol kúni astanalyq áýejaıdan bes soǵys ardageri Almatyǵa ushady, sol jerden Ýkraına halyqaralyq áýejelisiniń ushaǵyna otyryp, juma kúni tańerteń Ýkraına astanasy - Kıevke qonady.

Ardagerler Cheh Respýblıkasy, Reseı Federatsııasy men Ýkraına astanalarynda orta eseppen bes kún bolady. Soǵys ardagerleri áskerı dostarymen, jastarmen kezdesip, jaýyngerlik dańq oryndaryn aralaıdy, qaza tapqandardyń eskertkishterine gúl shoqtaryn qoıyp, Uly Jeńistiń 65 jyldyǵyn toılaýǵa arnalǵan basqa da merekelik sharalarǵa qatysady.