JEŃІSKE JETKІZGENDERІMІZ: Maıdanger Kajjanov Ǵalymjan týraly estelik
Atam Kajjanov Ǵalymjannyń jastyq shaǵy Uly Otan soǵysymen tuspa-tus keldi. Elimizge nemis-fashıst basqynshylarynyń opasyzdyqpen shabýyly atamdy da beıjaı qaldyrmady. 1943 jyly Keńes Armııasy qataryna alýdy surady. Jas jigit alǵash soǵysta Ýkraına maıdany Harkov túbinde jaýmen betpe-bet keledi. Osy shaıqasta atam jaýdyń birneshe atys uıasyn joıyp, bir top fashısterdiń kózin qurtady. Osy erligi úshin komandovanıe atynan alǵys alyp, nagradaǵa usynylady. Atam budan keıin Kýrsk, Belgrad baǵytyndaǵy urystarǵa qatysyp, erliktiń ónegesin kórsetti. Ol osy Belgrad qalasy úshin bolǵan keskilesken shaıqasta aýyr jaralanyp, uzaq ýaqyt Lenıngrad gospıtalinde emdelip, táýir bolǵannan keıin, maıdanǵa jaramsyz dep tanylyp elge oralady.
Elge kelgennen keıin de jaýyryndaǵy jaý snarıadynyń qaldyǵy álsin-álsin mazalaýmen bolady. Biraq ol beıbit ómirde qol qýsyryp qarap otyrmaı, eńbekke aralasty. 1944 jyldan 1979 jylǵa deıin mal sharýashylyǵynyń nyǵaıýyna óz úlesin qosty. 1958 jyldan KOKP (KPSS) múshesi atam ózine tapsyrylǵan qandaı da jumys bolmasyn abyroımen atqaryp sharýashylyq ekonomıkasynyń nyǵaıýyna úles qosty. Aýdandyq keńestiń depýtaty bolyp, halyq amanatynyń oryndalýyna uıtqy boldy...
Eńbek demalysynda júrse de, aýyl aǵasynyń áriptesterine aıtar aqyl-keńesi, úıreter tárbıesi mol bolatyn.
Atamnyń naýqasy asqynyp 1991 jyly 15 qazanda ómirden ozdy.
Uly Otan soǵysy jáne eńbek ardageri Kajjanov Ǵalymjannyń ónegeli joly qazirgi urpaqqa ónege bolarlyq.
Uly Otan soǵysynyń 69 jyldyǵy qarsanynda, surapyl soǵysta ot keshken jaýynger atamyzǵa bas ıip, taǵzym etemiz.
Nemeresi Kajjanov Aıbar Baýyrjanuly