JEŃІSKE JETKІZGENDERІMІZ: «QazAqparat» oqyrmandaryn maıdangerlerdi dáripteýge úles qosýǵa shaqyrady

ASTANA. QazAqparat - Surapyl soǵys jyldary talaı qazaq balasy Otan úshin, jer úshin qasyq qany qalǵansha shaıqasty. Erlikpen qaza tapqany qanshama... Biraq soqyr saıasattyń kesirinen talaı batyrdyń esimi umyt qaldy. Qazaqtyń qaharman uldary men qyzdarynyń qaıtpas qaısarlyǵy men tyldaǵy eleýli eńbegin barsha elge tanytý maqsatynda 9 mamyr - Jeńis kúni qarsańynda «QazAqparat» halyqaralyq aqparattyq agenttigi «Meniń atamnyń tarıhy - meniń Otanymnyń tarıhy» degen taqyryppen jańa aıdar ashylatynyn habarlaıdy.

Onda árkim soǵysqa, tyldaǵy eńbekke qatysqan óz atasy, ájesi, týysy, kórshisi jáne t.b. ardaqty ardagerler jóninde estelik, maqala jazyp bizdiń redaktsııamyzdyń [e-mail] elektrondy poshtasyna joldaı alady. Maqalalar 21 sáýirden 31 mamyrǵa deıin qabyldanady. Eń qyzyqty degen materıaldar bizdiń saıtta atalǵan aıdar aıasynda jarııalanady. Osylaısha, bizdiń oqyrmandarymyz óz atasyn kúlli elge tanytyp qana qoımaı, halyqaralyq agenttikte maqalasyn ornalastyrýǵa múmkindik alady.

Maıdanger ata-ájelerimiz jyl saıyn azaıyp keledi. Bizdiń boryshymyz - barshamyzǵa beıbit, táýelsiz elde ómir súrý múmkindigin syılaǵan qarııalarymyzdy alaqanda ustap aıalaý, olardyń erligin eshqashan umytpaı, keleshek urpaqqa osy tarıhı jadyny jetkizý. Tarıhyn bilmeıtin eldiń bolashaǵy da bulyńǵyr. Sondyqtan erlerimizdiń erligin el esinde máńgi saqtaý úshin barlyǵymyz birge atsalysaıyq aǵaıyn!

Maqalaǵa qoıylatyn talaptar:

Maqala erkin stılde jazylýy kerek. Onda mindetti túrde shynaıy tarıhı derekter kórsetilip, olardy rastaıtyn qujattar tirkelýi tıis. Maqalanyń mazmunyna tolyǵymen avtor jaýap beredi. Maqalada ardagerdiń qaı elde, qaı maıdanda soǵysqany jóninde, surapyl jyldar týraly estelikteri, qandaı orden, medaldary bar ekeni, otanyna oralǵan soń el eńsesin kóterýge qosqan úlesi týraly, búgingi urpaqtary jaıly jazylǵany abzal. Sonymen qatar maıdangerdiń birneshe sýretin, sonyń ishinde jas kúnindegi, soǵys kezindegi jáne qazirgi zamanǵy sýretterin qosa jiberý qajet.

Mátin tómendegi standarttarǵa sáıkes kelýi tıis:

Shrıft

-

Times New Roman

Sh rıft ólshemi

-

14

Jolaralyq ınterval

-

1

Túzetý

-

Eni boıynsha

Bettiń jolaqtary :

Joǵary, tómengi

Sol jaǵy

Oń jaǵy

2 sm

1,5 sm

3 sm

Maqalanyń jalpy kólemi

-

3 betten aspaýy kerek.