JEŃІSKE DEIІN 8 KÚN: Keńes áskeri Berlındegi shabýylyn jalǵastyrdy

ASTANA. QazAqparat - 70 jyl buryn, 1945 jyly 1 mamyrda Uly Otan soǵysynyń 1410-shi kúni júrip jatty. Jeńiske deıin 8 kún qaldy. «QazAqparat» HAA sol kezdegi oqıǵalar hronıkasyn usynady.

1945 jyly 1 mamyrda saǵat 3:50 mınýtta 8-shi gvardııalyq áskerdiń komandalyq beketine germanııalyq qurylyqtaǵy áskerdiń bas shtabynyń bastyǵy jaıaý ásker general Kerbsti ákeldi. Gıtlerdiń óz-ózine qol jumsaǵanyn aıtqan ol Qyzyl ásker armııasymen kelissózder júrgizýge nıetti ekenin jetkizdi.

Jýkov telefon arqyly bul týraly Stalınge aıtty. Stalın: «Qarsylaspaı tize búgýden basqa usynysty qabyldamaımyz. Krebspen de, ózge gıtlerliktermen de kelissózder júrgizbeımiz».

Nemis úkimeti tize búgýge kelispegen soń keńes áskeri Berlındegi shabýylyn jalǵastyrdy...

Keńes aqparat bıýrosy habarlaǵandaı, 1 mamyrda Pıllaý qalasy men portynyń ońtústik-batysyna qaraı 3-shi Belarýs frontynyń áskeri Frısh-Nerýngty jaýdan bosatý boıynsha kúres júrgizip, Narmeln, Brandhaıdsher, Noıkrýg jáne Feglers eldi mekenderin basyp aldy.

2-shi Belarýs frontynyń áskeri 1 mamyrda Shtralzýnd, Grımmen, Demmın, Malhın, Varen, Vezen-Berg qalalaryn, sonymen qatar Shteınhagen, Abtshagen, Gremers-Dorf, Deıelsdorf, Gnoıen, Dargýn, Noıkalen, Shtavenhagen, Gılov, Shvınkendorf, Mellenhagen, Krattsebýrg, Kvaltsov, Shtrazen eldi mekenderin basyp aldy.

1-shi Belarýs frontynyń áskeri 1 mamyrda Brandenbýrg qalasyn basyp aldy. Sonymen qatar olar Lındov qalasy men Alt-Rýppın, Hertsberg, Výtenov, Lıhtenberg, Narve, Beetts, Zommerfeld iri eldi mekenderin jaýlady. Berlınde front áskeri qalanyń Sharlottenbýrg, Sheneber aýdandaryn jaýdan tazartyp, qalanyń ortalyq bóliginiń 100-den astam oramyn (kvartal) basyp aldy.

4-shi Ýkraına frontynyń áskeri 1 mamyrda Bogýmın, Frıshtat, Skochýv, Chadtsa jáne Velıkaıa Bıtcha qalalaryn basyp aldy. Sonymen qatar Skrjıpov, Markersdorf, Slatına, Bılovets, Klımkovıtse, Vıtkovıtse, DЬETMAROVITsE, Petrovıtse, Skalıte, Dogýbarı, Ohodnıtsa, Nove Mesto, Plevnık iri eldi mekenderin baǵyndyrdy.

Brno qalasynan shyǵysqa qaraı 2-shi Ýkraına frontynyń áskeri Vyshkov qalasy men Pýhov, Lednıtske, Koshetsa, ılıava, Dýbnıtsa, Nemshova, Jıtkova, Bıskýpıtse, Bılovıtse, Babıtse, Roshtyn, Pýstımerj eldi mekenderin jaýlap aldy...

Bizdiń Jeńiske deıin 8 kún qaldy.