JEŃІSKE DEIІN 5 KÚN: Baızolla Ákijanov Reıhstag qabyrǵasyna qoltańba qaldyrdy

ASTANA. QazAqparat - Týra 70 jyl buryn, 1945 jylǵy 4 mamyr - Uly Otan soǵysynyń 1413-shi kúni. Jeńiske deıin 5 kún qaldy. «QazAqparat» HAA oqyrmandar nazaryna sol surapyl jyldardyń oqıǵalar jylnamasyn usynady.

1945 jyly 4 mamyrda saǵat 18:30-da Gollandııa, Soltústik-Batys Germanııa, Shlezvıv-Golshteın men Danııadaǵy barlyq German qarýly kúshterin odaqtastar áskeriniń 21-shi tobynyń bas qolbasshysyna tapsyrý týraly aktige qol qoıý rásimi ótti...

1945 jylǵy 4 mamyrda qulaǵan Reıhstag qabyrǵasyna Baızolla Ákijanov qol qoıdy.

Jaýyngerlik dostarymen ol Reıhstag qabyrǵasyna mynadaı qoltańba qaldyrdy: «Biz 2-shi áýe áskeriniń ushqysh-shabýyldaýshylary: Vasılıı Ponomarev, Alekseı Krıvonos, Vladımır Moıseev, Ivan Syrov, Mıhaıl Shahmatov, Vasılıı Lavrentev, Georgıı Holmýshın, Baızolla Ákijanov 1945 jylǵy 4 mamyrda Berlınge shabýyl jasadyq».

Keńes aqparat bıýrosy habarlaǵandaı, 4 mamyrda 2-shi Belarýs maıdanynyń áskeri soltústik Shtettınniń Dıvenov buǵazyn kesip ótip, Vollın qalasyn basyp alyp, Lıýsnov, Ker-Tentın, ıArmbov, Kodram, Reberg, Gross jáne Klaın Mokratts, Zoldemın eldi mekenderin ıelendi. Vıttenbergtiń soltústik qalalarynda maıdan áskeri shabýyldy jalǵastyra júrip, Shternberg, Lıýbts, Parhım, Grabov qalalary men Dabel, De-Men, Goldenbov, Radýn, Shpornıtts, Blıvenstorf, Tsırtsov, Lentsen iri eldi mekenderin basyp aldy.

1-shi Belarýs maıdanynyń áskeri Brandenbýrgtiń ońtústik qalalaryn shabýyldaı otyryp, keskilesken aıqaspen Beltsıg, Vızenbýrg, Nımegk, Kosvıg qalalary men Gettın, Krane, Goltsov, Greben, Gertske, Reetts iri eldi mekenderin ıelendi. 3 mamyrda maıdan áskeri 23 700 nemis sarbazy men ofıtserin tutqynǵa alyp, aerodromda jaýdyń 57 ushaǵyn tárkiledi. Qosymsha derekterge súıensek, Berlınde qalanyń polıtseı-prezıdenti, polıtsııa general-leıtenanty Gerým, berlındik polıtsııa bastyǵy, polıtsııa general-maıory Haınbýrg, brıgadanyń ımperııalyq keńse kúzetiniń bastyǵy, SS fıýreri Monke, berlındik garnızon sanqyzmetiniń bastyǵy, medıtsınalyq qyzmet general-maıory Shreıber, Berlın qalasy men Brandenbýrg provıntsııasy Qyzyl krest basshysy general-maıor Brekenfeld, 18 motodıvızııa komandıri general-maıor Rahý tutqynǵa alyndy.

4-shi Ýkraındyq maıdan áskeri Batys Karpat endiginde shabýyldy jalǵastyryp, aıqaspen Vıgshtadtl (Vıtkov) qalasyn jáne Pýsteıov, Moshnov, Brýshperk, Domaslavıtse, Ostravıtse, Gornaıa Bechva, Velıkıe Karlovıtse, Govezı iri eldi mekenderin basyp aldy.

2-shi Ýkraındyq maıdan áskerleri Brnonyń soltústik qalalarynda shabýyl jasap, Lýjna, Pozdehov, ıAsenna, Vızovıtse, Slýshovıtse, Lýjkovıtse, Kvasıtse, Teshnovıtse, Vajany, Zlobıtse, Krjenovıtse eldi mekenderin ıelendi...

Jeńiske 5 kún qaldy.