JEŃІSKE deıin 30 kún: Shyǵys Prýssııa qaqpasy - Kenıgsbergtiń qulaýy

ASTANA. QazAqparat - Osydan týra 70 jyl buryn, 1945 jyly 9 sáýirde Uly Otan soǵysynyń 1388 kúni bolǵan. Jeńiske deıin 30 kún qaldy. «QazAqparat» HAA oqyrmandar nazaryna sol kezdegi hronıkany usynady.

1945 jyl 9 sáýir. 3-shi Belarýs maıdanynyń shabýylyna tótep bere almaǵan Shyǵys Prýssııa qaqpasy, Kenıgsberg qalasynyń qulaýymen tarıhqa engen UOS-nyń 1388-shy kúni.

Bul kúnniń hronıkasyna sáıkes, artıllerııa men avıatsııanyń soqqylarynan keıin tańerteń sheshýshi shabýyl bastaldy. Saǵat 21:30-da qamal komendanty bastaǵan kenıgsbergtik garnızon qarsylyq bildirýdi toqtatyp, jeńilisterin moıyndady. 93 853 nemis sarbazy men ofıtseri tutqynǵa tústi, qamal garnızonynyń shamamen 42 myń áskeri qaza tapty.

KSRO Joǵarǵy Keńes Prezıdıýmy bul jeńis úshin «Kenıgsbergti alǵany úshin» medalin taǵaıyndady. Shabýylǵa qatysqandardyń barlyǵy osy medalmen marapattaldy. Solardyń qatarynda Qostanaı oblysynyń týmasy, Keńes Odaǵynyń eki márte Batyry Leonıd Beda bar.

Osy ýaqytta Avstrııada 3-shi Ýkraın maıdanynyń sarbazdary Vena ortalyǵy úshin bolǵan shaıqasta parlament ǵımaratyn, qalalyq ratýshany, ortalyq telegraf, polıtsııa basqarmasy men opera teatryn basyp aldy.

Osy kúni 1-shi Belarýs maıdany armııasynyń saıası bólimderi basshylarynyń jınalysynda Berlınge shabýylǵa qatysatyn barlyq armııalarda qyzyl tý bolýy kerek, keıin ol Reıhstagqa tigiletin bolady degen buıryq shyǵaryldy. Eske sala keteıik, Reıhstagtyń tóbesine alǵash bolyp tý tikken «Halyk Qaharmany» Raqymjan Qoshqarbaev bolatyn.

Jeńiske 30 kún qalǵan edi.