JEŃІSKE DEIІN 27 KÚN: «Órtengen jer» taktıkasy men AQSh prezıdenti F.Rýzvelttiń ólimi

ASTANA. QazAqparat - Osydan 70 jyl buryn, 1945 jyly 12 sáýirde UOS-nyń 1391-shi kúni bolǵan. Jeńiske deıin 27 kún qaldy. «QazAqparat» HAA oqyrmandar nazaryna sol kezdegi hronıkany usynady.

1945 jyl 12 sáýir.

Chehoslovakııa. Keńes aqparattyq bıýrosy habarlaıdy: Bratıslavanyń soltústik-shyǵysy men soltústigine qaraı 2-shi Ýkraına fronty qala men Skalıtsa temir jol stansasy jáne 30-dan astam ózdi eldi-mekendi jaýlap aldy. Olardyń ishinde Trench Tepla, Opatova, Kohanovtse, Galýzıtse, Gorny-Bzıntse, Vrbovtse, Radeıov, Katov, Golıch, Kopchanı bar...

Avstrııa. Venanyń soltústik-shyǵysyna qaraı keńes áskeri Drezıng, Edenshpaıgen, Loıdestal, Erdpres, Hohenrýppersdorf, Aýershtal eldi-mekenderin basyp aldy. Bokkflıs, Aderklaa, Raasdorf, Esslıng, Gross Entsersdorf jáne Eıbesbrýnn temirjol stansasyn jaýlap aldy. Venada 3-shi Ýkraına frontynyń áskeri Dýnaı kanaly men Dýnaı ózeniniń arasynda ornalasqan qala aýdandarynda kúres júrgizdi. Munda olar 60-tan astam kvartaldy basyp aldy. Sombatel qalasynyń batysyna jáne ońtústik-batysyna qaraı front áskeri shabýylyn jalǵastyryp, Avstrııanyń Gıýssıng qalasy (Nemetýıvar) men 40-tan astam ózge eldi mekendi, sonyń ishinde Markt Allaý, Olbendorf, Oberneıberg, Mıhel, Chanshendorf, Shteıngraben, Eltendorfty basyp aldy...

Germanııa. Magdebýrg aýdanynda 9-shy amerıkalyq áskeri Elba arqyly ótip, oń jaǵalaýynda platsdarm qurdy. Ońtústikke qaraı amerıkalyq ásker Erfýrt pen Veımardy jaýlady. Sońǵysy atyssyz jeńilisin moıyndady. Germanııanyń joǵarǵy basshylyǵy keri qaıtqanda kásipornydar, kópirler men baılanys quraldaryn joıýdy, ıaǵnı «órtengen jer» taktıkasyn qoldanýdy talap etti. Óz aýmaǵynda da...

AQSh. Ýorm-Sprıngste (Djordjııa shtaty) AQSh prezıdenti Franklın Delano Rýzvelt qaza tapty. Ony alǵash ret prezıdent qylyp 1932 jyly saılaǵan. Ol Gıtlerge qarsy koalıtsııanyń nyǵaıýyna mol úlesin qosty jáne Birikken Ulttar Uıymynyń qurylýyna kóp kóńil bóldi. Ol qaza tapqannan 3 saǵat ótken soń AQSh prezıdenti qyzmetin Garrı Trýmen atqara bastady.

Qaza tabar aldynda prezıdent Rýzvelt Halyq Komıssarlarynyń Tóraǵasy Stalınge hat joldap, odaqtastyqtar arasyndaǵy senimsizdikten aýlaq bolýǵa shaqyrdy. Hatta: «Bizdiń áskerlerimiz Germanııada baılanys ornatyp, úılesip shabýyl jasasa, fashıstik ásker qulaıtynyna senimdimin» delingen. Franklın Rýzvelttiń sońǵy haty Máskeýge prezıdent qaza tapqan kúnnen keıin keldi...

Bizdiń Jeńiske deıin 27 kún qaldy.