JEŃІSKE DEIІN 25 KÚN: Saǵadat Nurmaǵambetov batalonynyń erligi
1945 jylǵy 14 sáýirde batys Kıýstrın qarsylasynyń berik qorǵanysyn buzǵan ýaqytta maıor Saǵadat Nurmaǵambetovtiń epti basqarýymen batalon basty baǵytta áreket ete otyryp, nemis qorǵanysyn buzyp ótip, tankter men polktyń basqa batalondarynyń urysqa enýine múmkindik berip, transheıanyń bes jelisin basyp aldy.
Janqııarlyq pen tabandylyq kórsete otyryp, Gýzov qalasynyń shyǵys shetinde oryn alǵan aıqasta jaýǵa toıtarys bere otyryp, kóshe shaıqastaryn eńserip, úsh saǵattyń ishinde qalanyń soltústik-shyǵys bóligin ıelendi. Batalon 200 gıtlershilerdi, 18 atys núktesin, segiz tirek pýnktin joıyp, jaýdyń 69 sarbaz jáne ofıtserlerdi tutqyndady.
1945 jylǵy sáýirdegi bul epızod Saǵadat Nurmaǵambetovke ekinshi «Altyn Juldyz» medalin buıyrtty. Marapattaý paraǵyna 1052- atqyshtar polkiniń komandıri, Keńes Odaǵynyń batyry, polkovnık A. Peshkov qol qoıdy.
Shyǵys-Prýssııa operatsııasy barysynda 14 sáýirde tańerteń 3-shi Belarýs maıdanynyń áskeri shabýyldy jańartyp, maıdan qaptalynda qarsylastyń qorǵanysyn buzyp ótti. Tús aýa 2-shi gvardııalyq 15 shaqyrymǵa alǵa jyljydy, 43-shi - 10 shaqyrymda. Qozǵalmaly toptyń kórsetken qysymynan eseńgiregen jaý keri sheginýge týra keldi.
5-shi, 39-shy ásker bólimderine qarsylyq kórsetken nemis áskeriniń tylyna 2-shi gvardııalyqtyń shyǵý qaýpi olardy keri sheginýge májbúrledi. Áskeriniń ydyrap ketýin boldyrmaý úshin nemis qolbasshylyǵy 14 sáýirde ońtústik-batys baǵyttaǵy Pıllaýǵa qaraı shegine bastady.
Keńes áskeriniń bastyǵy Georgıı Konstantınovıch Jýkovtyń buıryǵy boıynsha barlyq jelide 14-15 sáýirde aıqasty barlaý jumystary júgizildi.
Bul ýaqytta Vena batysyndaǵy Avstrııada taý-ormandy jerlerde 3-shi Ýkraındyq maıdan áskeri shabýyldy jalǵastyryp jatty. Qarsylastyń qarymyn qaıtaryp, keńes bólimderi 20 shaqyrym alǵa jyljyp, Traızen ózenin kesip ótti. Keskilesken urys nátıjesinde ózenniń batys jaǵalaýyndaǵy Gertsogenbýrg qalasyn basyp aldy. Nemister sondaı-aq Sankt-Pelten qalasynan 10 shaqyrymda ornalasqan myqty bekitilgen Bohaımkırhen tirek pýnktinen de qýyldy.
Budan basqa, basqa da 60 eldi meken basyp alyndy, olardyń ishinde iri eldi mekender: Mıhelhaýzen, Pıshelsdorf, Tsventendorf, Ponzee, Trasdorf, Zıttsenberg, Gettsersdorf, Intserdorf, Kreıts, Ossarn, Kapelln, Eıtendorf, Mýrshteten, Hrıstofen jáne Mıhelhaýzen, Trasdorf, Gemeınlebarn temir jol stansalary.
Venanyń soltústik jáne soltústik-shyǵys jaǵyndaǵy eldi mekender: Hohenaý, Gross Intsersdorf, Ober Zýlts, Neksıng, Bad-Pıravart, Kronberg, Rıdental, Ýlrıhskırhen, Prezıng, Pýttsıng, En-Tserald basyp alyndy...
Chehoslavakııada Godonınniń shyǵys jáne ońtústik-batys qalalarynda 2-shi Ýkraındyq maıdannyń áskeri shabýyldy jalǵastyra otyryp, Mazýr, Kýjelov, Malaıa Vrbka, Knejdýb, Strajnıtse, Lýjıtse, Mıkýlchıtse, Moravska novaıa ves, Grýshkı, Novyı Jıjkov, Staryı Brjeslav eldi mekenderin basyp aldy...
Jeńiske deıin 25 kún qaldy.