JEŃІSKE DEIІN 18 KÚN: Fashıstik Germanııa astanasy qulaýǵa jaqyn
Berlınge shabýyl bastaldy. 21 sáýir kúni 2-shi Belarýs maıdanynyń 65-shi armııasy men 70-shi armııasy platsdarmdy keńeıtý boıynsha shaıqasty jalǵastyrǵan. 49-shi armııa Vest-Oderdiń batys jaǵalaýynda bolyp, bul shaǵyn platsdarmdardy ustaý úshin shaıqastar júrgizdi.
1-shi Belarýs maıdanynyń Polıak áskerleriniń 61-shi armııa men 1-shi armııasy qarsylastyń shegingen bólikteriniń qaıtpas qarsylyǵynan ótip, baıaý alǵa jyljyp otyrdy. 47-shi armııanyń qaptalyn qorǵaý úshin urysqa 21 sáýir keshinde Vandlıtts - Basdorf shekarasyna jetken 7-shi gvardııalyq atty áskerler korpýsy engizildi. 47-shi armııa, 3-shi soqqy armııasy, 2-shi gvardııalyq tank armııasy Berlınniń soltústik shetine basyp kirdi.
Sol ýaqytta 5-shi armııa qalanyń soltústik-shyǵys shekarasyna jetken edi.
1-shi Ýkraın maıdanynyń 3-shi gvardııalyq tank armııasy Berlınge ońtústik jaqtan jaqyndady. 4-shi gvardııalyq tank armııasy Lýkenvalde - ıÝterbog shekarasyna shyqty. 13-shi armııa tyldan maıdannyń tank toptarynyń áreketterin qamtamasyz etip, bir kúnniń ishinde 20 shaqyrym joldan ótti. Soqqy tobynyń oń jaq flangyn qorǵaý úshin urysqa A.Lýchınskııdiń 28-shi armııasy engizildi. 3-shi gvardııalyq armııa jaýdyń kotbýss tobymen shaıqastar júrgizdi. 5-shi gvardııalyq tank armııasy qarsylastyń Shpremberg tobynyń qalǵan kúshterin talqandap, bas kúshterin batysqa qaraı baǵyttady...
Kún sońynda jasaqtarymyz Drezdennen 24 shaqyrym jerde ornalasqan Kenıgsbrıýk qalasy úshin urystar júrgizdi. Oderdiń batysynda jaýdyń qarsylyǵyna tótep bere alǵan áskerlerimiz alǵa qaraı jyljyp otyrdy. Nemister jaýyngerlerimizdiń Berlınge jetpeýi úshin bar kúshin saldy. Bizdiń jasaqtarymyz jaýdyń qııan-keski qarsylasýyna myqty soqqylar berdi.
Jaý kóp kúshinen aıyryldy. Urys dalasynda nemis sarbazdary men ofıtserleriniń myńdaǵan múrdeleri qaldy. Shaıqastan biraz olja túsip, kóptegen adam tutqynǵa alyndy.
Bizdiń Jeńisimizge deıin 18 kún qalǵan edi.