JEŃІSKE DEIІN 17 KÚN: Berlın úshin shaıqastar
Berlınge shabýyldaý qımyldary. 22 sáýirde 2-shi Belarýs maıdanynyń 65-shi armııasy jekelegen ýchaskelerde 2 shaqyrymǵa deıin, al 70-shi armııa - 3 shaqyrymǵa deıin alǵa jyljydy. Vest-Oderdiń batys jaǵasyndaǵy joryq 24 shaqyrymǵa jáne tereńdeı ený 3-ten astam shaqyrymǵa jetti.
Polıak jaýyngerleriniń 61-shi armııasy, 1-shi armııasy jáne 1-shi Belarýs maıdanynyń 7-shi gvardııalyq atty áskerler korpýsy batysqa qaraı 20-30 shaqyrymǵa deıin júrip, Berlındi soltústikten shabýyldaǵan jasaqtarǵa kómektesti. 47-shi armııa men 2-shi gvardııalyq tank armııasy aldaǵy bólimdermen Hafel ózenine shyǵyp, odan Hennıgsdorf aýdanynda ótti. 3-shi ekpindi armııa qalalyq qorǵanys qorshaýyn buzý úshin shabýylǵa shyqty. 5-shi ekpindi armııa men 8-shi gvardııalyq armııa ishki qala bekinisin buzdy. 69-shy armııa Fıýrstenvaldege ıelik etti.
28-shi armııanyń eki atqyshtar dıvızııalarymen kúsheıtilgen 1-shi Ýkraına maıdanynyń 3-shi gvardııalyq tank armııasy Berlınniń ońtústik shetine basyp kirip, keshqurym Teltov sý arnasyna shyqty.
4-shi gvardııalyq tank armııasy Zarmýnd aýdanyna (Potsdamnan ońtústik-shyǵysqa qaraı 10 shaqyrym jerde) ótip, berlındik toptyń ońtústik-batysqa shyǵatyn jolyn kesip tastady. Potsdamǵa soltústikten kirgen 47-shi armııanyń jasaqtary 4-shi gvardııalyq tank armııasynyń oń qaptaldaǵy bólimderinen 30-35 shaqyrym jerge bekindi. 22 sáýir kúni 3-shi gvardııalyq armııa qııan-keski urystardan keıin Kotbýs qalasyn jaýlap aldy. 22 sáýir kúni Elbaǵa jyljyǵan 13-shi armııa bir kúnde 45 shaqyrym jol júrip, ıÝterbog - Tsana - Essen shekarasyna, al 5-shi gvardııalyq armııa Kırhhaın - Elsterverd shekarasyna shyqty.
Drezdenge qaraı júrgen bizdiń jasaqtarymyz Lıýbenaý, Dame, Shlıben, Zonnevalde, Fınstervalde, Rýland, Elsterverda, Shvepnıtts, Býrkaý, Bıshofsverda qalalaryn basyp aldy. Aldyn ala málimetter boıynsha 17-21 sáýir aralyǵynda bul baǵytta shabýyldaǵan jaýyngerler 10 myńnan astam nemis sarbazdary men ofıtserlerin tutqyndap, qarsylastyń 96 ushaǵy jáne 150-den astam tank pen ózdiginen júretin qarýlaryn jaýlap aldy.
Berlınge qaraı jol tartqan jasaqtarymyz Bızental, Kalberge, Kleınshene6ek, Frıdrıhshagen, Fıýrstenvalde qalalary men Berıln mańyndaǵy jerler Glınıkke, Lıýbars, Blankenfelde, Rozentalb, Býhholts, Karov, Blankenbýrg, Malhov, Veısenzee, Hoznshonhaýezen, Martsan, Bısdorf, Malsdorf, Sheneıhe, Fıhtenaý, Vılgelmshagendi basyp aldy. Aldyn ala málimetterge súıensek, 17-21 sáýir kúnderi aralyǵynda bul baǵytta júrgen jaýyngerlerimiz 13 myńnan astam nemis sarbazdary men ofıtserlerin tutqyndap, kelesi oljalarǵa ıe boldy: 60 ushaq, 100-den astam tank pen ózdiginen júretin qarý túrleri, 500-den astam qarý-jaraq.
Bizdiń Jeńisimizge deıin 17 kún qaldy.