JEŃІSKE DEIІN 15 KÚN: Aty ańyzǵa aınalǵan Saǵadat Nurmaǵambetovtyń batalony Berlın kóshelerindegi shaıqasta erlik kórsetti
Shyǵys Prýssııa operatsııasy (1945). 24 sáýirde 3-shi Belarýs maıdanynyń 11-shi gvardııalyq armııasy Pıllaý qorǵanynda nemis jasaqtarynyń qalǵan bóligin qorshap aldy.
Berlındi shabýyldaý operatsııasy. 24 sáýir kúni 1-shi Belarýs maıdanynyń 2-shi gvardııalyq tank armııasy Berlın-Shpandaýer-Shıffartstan ótti. 3-shi ekpindi armııa urys júrgizip, Berlınniń ortalyǵyna jaqyndady, qala túbindegi Reınıkendorfty basyp alyp, Folks saıabaǵy aýdanyndaǵy Berlın-Shpandaýer-Shıffarts arnasynyń soltústik jaǵasyna shyqty. 5-shi ekpindi armııasy qarsylaspen Sılez vokzalynan batys jaǵynda shaıqasqan. 8-shi gvardııalyq armııa soltústik batysqa qaraı shabýyl jasaýǵa daıyndalyp, saǵat 10:30-da 1-shi Ýkraına maıdanynyń 3-shi gvardııalyq tank armııasymen Shenefeld aýdanynda qosyldy. 33-shi armııa Oder - Shpree arnasyna ótip, 14-20 shaqyrymǵa alǵa jyljyǵan, saǵat 18:00-ge qaraı onyń kúshteriniń bir bóligi Shpreeden ótti.
1-shi Ýkraın maıdanynyń 3-shi gvardııalyq tank armııasy Teltov arnasyna ótip, jaýdyń Berlın ortalyǵyn qorǵaǵan ishki qorǵanys qorshaýyn buzyp, qalaǵa basyp kirdi...
24 sáýir kúni kúndizgi ýaqytta general Venktiń 12-shi armııasy Beelıtts - Treıenbrıtsen ýchaskesindegi birinshi tank shabýyldaryna kirisip, sol arqyly 5-shi gvardııalyq mehanızatsııalanǵan korpýs pen 13-shi armııa bólikteriniń pozıtsııalarynan ótpekshi bolǵan, biraq kóp kúshinen aıyrylyp, tabysqa jete almady. Venk armııasynyń shabýyldaryna toıtarys bergen 13-shi armııa Elba jaǵalaýynyń boıymen batysqa qaraı jyljyǵan. Kún sońynda 13-shi armııa birneshe shaqyrym alǵa jyljyp, Vıttenbergtiń shetine shyqty.
1945 jyldyń 24 sáýirinde maıor, Keńes Odaǵynyń Batyry, aty ańyzǵa aınalǵan Saǵadat Nurmaǵambetovtyń batalony jaýdyń tabandy qarsylyǵyna tótep berip, Berlın qalasyna basyp kirdi. Sheberlikpen basqarylǵan batalon qala kóshelerinde júrgizilgen kúrdeli urystarda 450-den astam gıtlershilerdi óltirip, 1 560 adamdy tutqynǵa aldy, on tirek pýnktiniń kózin joıdy. Bul shaıqasta maıor Nurmaǵambetov jaralandy...
Gıtlerdiń buıryǵyn oryndaǵan general Venk 1-shi Ýkraın maıdany jasaqtarynyń sol jaq qaptalyna batystan shabýyl jasaǵan. Biraq, Berlındi qutqarmaq bolǵan armııa birinshi urystardyń ózinde kóp kúshinen aıyrylyp, kózdegenine jete almady.
Imperııa kantselıarııasy býnkerinde otyrǵan Gıtler Venk armııasynyń shabýyly týraly esep berýdi qaıta-qaıta talap etti...
Berlınge Búkilodaqtyq radıonyń arnaıy brıgadasy keldi. Olardyń kóshelerdegi urystar týraly plenkaǵa jazyp alǵan reportajdary birden Máskeýge joldandy...
Bizdiń Jeńisimizge deıin 15 kún qaldy.