JEŃІSKE 70 JYL: Astanada qazaq jaýyngerlerine arnalǵan «Namys tuǵyry» atty ónerpazdardyń taǵylymdyq keshi ótedi

ASTANA. QazAqparat - Erteń, 15 sáýir Astanada qalalyq Tilderdi damytý basqarmasy B.Momyshuly eskertkishiniń aldyndaǵy alańda Jeńistiń 70 jyldyǵyna arnalǵan «Namys tuǵyry» atty taǵylymdy is-sharasyn ótkizedi, dep habarlady atalǵan basqarmanyń baspasóz qyzmetinen.

Іs-sharanyń basty maqsaty - Uly Otan soǵysyndaǵy batyr babalardyń rýhyna, uly erlikke taǵzym etý, ardagerlerdi ulyqtaý, qurmet kórsetý, óskeleń urpaqty otansúıgishtikke, patrıottyq sezimge baýlý jáne jastardyń boıyna beıbit kúnniń, azat tańnyń qadirin, baǵasyn sińirý.

Shara barysynda Uly Jeńis jolynda qaza tapqan babalardy eske alý, gúl shoǵyn qoıý rásimi uıymdastyrylady, Uly Jeńistiń 70 jyldyǵyna arnalǵan medaldar tabystalady. Sonymen qatar, Q. Qýanyshbaev atyndaǵy memlekettik akademııalyq qazaq mýzykalyq drama teatrynyń ártisteri qazaq batyrlarynyń rólin somdap, elorda estradasynyń jas talanttary Baýyrjan Barǵalı, Ásem Omarova, Dımash Qudaıbergen, Baýyrjan Ahmetov, «Royal» kvarteti jáne «Jas Ulan» mektebiniń ulandary soǵys jyldaryndaǵy, áskerı-patrıottyq ánderdi shyrqap, bı bıleıdi, «Astana drum line» barabanshylar toby kompozıtsııalar usynatyn bolady. Atalǵan taǵylymdy is-sharaǵa ardagerler, qarttar, Qazaqstan Respýblıkasy Parlamenti Májilisiniń depýtattary, zııaly qaýym ókilderi, úkimettik emes uıym jáne jastar qoǵamdyq birlestikteriniń belsendileri, stýdent-jastar, elorda turǵyndary men qonaqtary shaqyrylǵan.