Jeńis Óserbaı QR aýyl sharýashylyǵy vıtse-mınıstri qyzmetinen bosatyldy

ASTANA. QazAqparat - QR Úkimetiniń qaýlysymen Jeńis Álibekuly Óserbaı bergen ótinishine saı Qazaqstan Respýblıkasynyń aýyl sharýashylyǵy vıtse-mınıstri qyzmetinen bosatyldy.

Bul týraly QR Premer-Mınıstriniń baspasóz qyzmeti habarlaıdy.

Jeńis Óserbaı 1981 jyly Almaty qalasynda dúnıege kelgen.

Rysqulov atyndaǵy Qazaq ekonomıkalyq ýnıversıtetin, Aqmola tehnologııa jáne bıznes ýnıversıtetin, RF Máskeý memlekettik halyqaralyq qatynastar ınstıtýtyn, L.N. Gýmılev atyndaǵy Eýrazııa ulttyq ýnıversıtetin bitirgen.

Eńbek jolyn 2000 jyly jeke kompanııada ekonomıst retinde bastaǵan.

2001-2002 jyldary — jeke uıymnyń qarjy taldaýshysy.

2004-2006 jyldary — «Qazaqstannyń Damý Banki» AQ Jobalardy kredıtteý departamentiniń bas menedjeri.

2006-2019 jyldary jeke kompanııalarda basshylyq qyzmetter atqardy.

2021 jylǵy qyrkúıekten bastap qazirgi ýaqytqa deıin QR aýyl sharýashylyǵy vıtse-mınıstri bolyp jumys istedi.

Foto: primeminister.kz