Jeńis monetasyn jasa: Ulttyq bank ashyq konkýrs jarııalady
15:22, 11 Qarasha 2019
ALMATY. QazAqparat - Qazaqstan Ulttyq banki «Jeńis monetasyn jasa!» ashyq konkýrsyn jarııalady, dep habarlaıdy QazAqparat tilshisi.
QR Ulttyq banki Ekinshi dúnıejúzilik soǵystaǵy jeńistiń 75 jyldyǵyn atap ótý sheńberinde 11 qarashadan bastap osy taqyrypta úzdik beınelengen monetalardyń ashyq konkýrsyn jarııalady.
«Baıqaýdyń negizgi maqsaty – daryndy azamattardy anyqtaý, sýretshilerge óz shyǵarmashylyq áleýetin ashýǵa múmkindik berý. Konkýrstyq materıaldar 11 – 25 qarasha aralyǵynda qabyldanady. Bir avtordan bir jumystan artyq qabyldanbaıdy. Qorytyndy 2019 jyldyń 2 jeltoqsanynda shyǵarylady», - delingen UB aqparatynda.