Jeńis merekesi kúni Almatyda 4 jerde 40 dúrkin otshashý atylady

ALMATY. Mamyrdyń 6-sy. QazAqparat /Erbol Azanbek/ - 9 Mamyr kúni saǵat 22:00-de Almatyda Uly Jeńistiń 65 jyldyǵyna arnalǵan merekelik otshashý atylady,

dep habarlaıdy QazAqparat qalalyq mádenıet basqarmasyna silteme jasap.

Otshashý qalanyń 4 jerinen: Kóktóbe men Saıran kólinde, «Astana» alańynda jáne jańa salynyp jatqan halyqaralyq shańǵy tramplıni kesheninen beriledi. Otshashý aýqymy jóninen Almatynyń tarıhynda tuńǵysh ret eń irisi bolady. 40 dúrkin atylatyn otshashýdyń árqaısysy 30 bólikke bólinedi. Túngi aspandy 20 mınýt boıy nurǵa bóleıtin otshashýdyń bıiktigi 200 metrge deıin jetedi.