Jeńis kúnine oraı Qazaqstanda ardagerlerge tıisti tólem aýdarylady

ASTANA. QazAqparat – QR Eńbek jáne halyqty áleýmettik qorǵaý mınıstri Tamara Dúısenova bıyl Ekinshi dúnıejúzilik soǵys ardagerlerine tıisti tólem aýdarylatynyn aıtty, dep habarlaıdy QazAqparat tilshisi.

Onyń aıtýynsha, qazirgi kezde elimizde 237 ardager bar.

«Búgin tańerteń ǵana osy málimetterdi sholyp shyqtym, 237 adam bar. Olarǵa 9 mamyrda tıisti materıaldyq tólemder barlyq oblysta aýdarylady. Ákimdikterdiń usynysy boıynsha ardagerlerge 1,5 mln teńgeden kem emes somada qarajat tólenedi», - dedi T. Dúısenova Májiliste tilshiler suraǵyna jaýap bere otyryp.

Buǵan deıin habarlanǵandaı, Oralda Jeńis kúnine oraı maıdangerlerge 1,5 mln teńgeden beriledi.

Eske sala keteıik, 2021 jyly Qazaqstanda Ekinshi dúnıejúzilik soǵysqa qatysqan 665 ardager bar edi.