Jeńis kúnine oraı astanalyq soǵys ardagerlerine 805 myń teńgeden beriledi

NUR-SULTAN. QazAqparat – Bıyl Jeńis kúnine oraı Ekinshi dúnıejúzi soǵysynyń ardagerlerine 805 000 teńge kóleminde qosymsha áleýmettik kómek kórsetý josparlanýda. Bul týraly Nur-Sultan qalasynyń kezekti máslıhat sessııasynda Nur-Sultan qalasynyń jumyspen qamtý jáne áleýmettik qorǵaý basqarmasynyń basshysy Sáýle Nurǵojına aıtty, dep habarlaıdy QazAqparat tilshisi.

«Bıyl Jeńis kúnine oraı soǵys ardagerlerine 805 000 teńge kóleminde qosymsha áleýmettik kómek kórsetý josparlanýda. Áleýmettik kómek kórsetý qaǵıdalary negizinde ustalatyn 195 439 teńgeni eskere otyryp 26 adamǵa 1 000 439 teńge tólenedi», - deıdi Nur-Sultan qalasynyń jumyspen qamtý jáne áleýmettik qorǵaý basqarmasynyń basshysy Sáýle Nurǵojına.

Sondaı-aq, ol áleýmettik kómek kórsetý qaǵıdalaryna sáıkes Chernobyl atom elektrostansasyndaǵy apattyń zardabyn joıýǵa qatysqan adamdarǵa 26 253 teńge tólenetinin aıtty.

«Bıyl Chernobyl atom elektrostantsııasyndaǵy apattyń qurbandaryn eske alý kúnine 35 jyl tolady. Osyǵan baılanysty 75 myń teńge kóleminde qosymsha áleýmettik kómek kórsetý usynylady», - deıdi ol.

Máslıhat sessııasyna qatysqan depýtattar bul usynysty biraýyzdan qoldap, sheshim qabyldady.