Jeńis kúni qarsańynda aqmolalyq polıtseıler soǵys ardagerlerin quttyqtady

KÓKShETAÝ. QazAqparat – Jeńistiń 75 jyldyǵy qarsańynda Aqmola oblysynyń PD bastyǵy Armanbek Baımýrzın jáne ishki ister organdary ardagerleri keńesiniń tóraǵasy Dáýitbek Nurǵalıev soǵys ardagerleri Ilıa Marchenko jáne Myrzaǵalı Qajymovty úıine baryp quttyqtady, dep habarlaıdy QazAqparat tilshisi.

Aqmola oblystyq PD baspasóz qyzmetiniń málimetinshe, jyl saıyn Jeńis kúni qarsańynda quqyq qorǵaý salasynda eńbek etken soǵys ardagerlerin quttyqtaýdy óńirdiń tártip saqshylary dástúrge aınaldyrǵan. Bıyl da sol ıgi is jalǵasyn taýyp otyr.

Bul jol ardagerlerdiń úıine baryp PD jeke quramy atynan quttyqtaǵan vedomstvo basshysy ardagerlerdiń atyna jyly lebizin bildirip, olardyń erligi óskeleń urpaqty tárbıeleýde úlken úlgi-ónege ekenin atap ótti.

«Sizderdiń qan maıdandaǵy erlikterińiz ben ishki ister organdarynda atqarǵan abyroıly qyzmetterińiz - búgingi jas qyzmetkerlerimiz úshin úlgi-ónege. Otan úshin ot keshken jáne odan keıingi jyldary mıtsılııanyń, bertin polıtsııa qyzmetiniń qalyptasýy kezeńinde sizder erlik pen Otanǵa degen súıispenshilik jáne patrıotızmniń jarqyn úlgisin kórsettińizder», - dedi vedomstvo basshysy.

Kezdesýde ardagerlerge QR Prezıdenti Qasym-Jomart Toqaevtyń atynan quqtyqtaý hat tapsyryldy, sondaı-aq, Іshki ister mınıstri, polıtsııa general-leıtenanty Erlan Turǵymbaev atynan Alǵys hat, mereıtoılyq medal, gúl jáne syılyqtar tabys etildi.

Ardagerlermen kezdesýde PD bastyǵy Armanbek Baı̆mýrzın olardyń áleýmettik-turmystyq jaǵdaıyn surap bilip, qajet bolǵan jaǵdaıda kómek qolyn sozýǵa daıyn ekenin jetkizdi.

Sonymen qatar, PD bastyǵynyń orynbasarlary men ishki ister organdarynyń ardagerleri keńesiniń ókilderi tyl eńbekkerleriniń, qaıtys bolǵan soǵys ardagerleriniń jáne polıtsııa qyzmetkerleriniń jesirleriniń úıine baryp, merekemen quttyqtady jáne gúl, syılyqtaryn úlestirdi.