Jeńis kúni aqmolalyqtar maıdangerlerdiń sýretterin ustap sherýge shyqty

KÓKShETAÝ. QazAqparat - Kókshetaýda 9 mamyr - Jeńistiń 73 jyldyq mereıtoıyna arnalǵan saltanatty shara barysynda soǵysqa qatysqan maıdangerlerdiń qurmetine aktsııa uıymdastyryldy, dep habarlaıdy QazAqparat tilshisi.

Aktsııaǵa oblystyń ár aýdanynan kelgen soǵys pen tyl jáne eńbek ardagerleri, maıdanda sheıit bolǵandardyń týǵan-týystary qatysty. Aktsııa barysynda barlyq qatysýshylar soǵysqa qatysqan týysqandary men ata-ájeleriniń sýretterin qoldaryna ustap Abaı kóshesiniń boıymen Málik Ǵabdýllın eskertkishine deıin júrip ótti.

Aıta keteıik, Aqmola oblysynan soǵystyń alǵashqy alty aıynda 37 myń adam, al soǵystyń barlyq kezeńinde 80 myńnan astam adam shaqyrylǵan. Olar barlyq maıdandardaǵy shaıqastarǵa, ıaǵnı, Máskeý, Stalıngrad, Kýrsk doǵasy tárizdi ózge de urystarǵa qatysqan 66 aqmolalyqtyń Keńes Odaǵynyń Batyry atanǵany, onyń ishinde 13 adam Dańq ordeniniń tolyq ıegeri bolǵany aqmolalyqtardyń erlikterinen habar bergendeı.