Jeńis Qasymbekke Jezqazǵan, Sátbaev qalalaryn damytý jospary baıandaldy

JEZQAZǴAN. QazAqparat – Qaraǵandy oblysynda turmystyq zorlyq-zombylyq qurbandary kómekke júgine alatyn mekemeler sany artady. Bıyl Jezqazǵanda ómirlik qıyn jaǵdaıǵa tap bolǵan áıelderge arnalǵan daǵdarys ortalyǵy ashylady, dep habarlaıdy QazAqparat tilshisi.

Qala ákimi Qaırat Ábsattarov óńir basshysy Jeńis Qasymbektiń tóraǵalyǵymen ótken onlaın-keńeste 2021 jylǵa arnalǵan josparlar týraly aıtyp berdi.

Onyń aıtýynsha, Jezqazǵanda áleýmettik ál-aýqat pen jaılylyq deńgeıin arttyrý úshin birqatar joba júzege asyrylady. Eki mektep pen eki balabaqshany kúrdeli jóndeýge, otbasylyq turmystyq zorlyq-zombylyq qurbandaryna arnalǵan daǵdarys ortalyǵyn ashýǵa qarajat kózdelgen. Terekti stantsııasynda jańa mektep salynýda, nysandy qyrkúıekke deıin tapsyrýǵa ýáde berildi. Jumyspen qamtýdyń jol kartasy boıynsha dene shynyqtyrý-saýyqtyrý kesheniniń qurylysy josparlanǵan.

Qalada sýmen jabdyqtaýdy jaqsartý, jylý jelilerin qaıta qurý boıynsha jobalar iske asyrylýda. Ekinshi toqsanda Talap aýyly men Qabanbaı batyr shaǵynaýdanyndaǵy úılerdiń birinshi kezegin ortalyqtandyrylǵan gazben jabdyqtaýǵa qosý kútilýde.

Joldardy jóndeý, aýlalardy abattandyrý jáne kógaldandyrý jalǵasady.

Qaırat Ábsattarov habarlaǵandaı, bıyl balalardyń 50 oıyn alańyn salý josparlanýda.

Turǵyn úı qurylysy «Nurly jer» baǵdarlamasy boıynsha jáne jeke ınvestıtsııalar esebinen júrgizilýde. Bıyl Jezqazǵanda bes kópqabatty úıdi paıdalanýǵa berilmek.

«Qalanyń apatty jáne eski úılerinen turǵyndardy kóshirýge tıisti nazar aýdarý kerek. Bıyl alǵashqy 25 kópqabatty apatty úıdiń turǵyndary kóshiriledi», - dep atap ótti Jeńis Qasymbek.

Onlaın-keńeste Sátbaevty damytý jónindegi josparlar da talqylandy. Qala ákimi Asqar Ydyrysov bıyl 320 oryndyq balabaqsha men Oqýshylar saraıynyń qurylysy aıaqtalýy tıis ekenin aıtty.

Shyǵys aýdanynyń káriz jelileri men kollektorlaryn, jylý jelilerin salý, Esqula sý taratqyshyn kóshirýdi aıaqtaý josparlanǵan. Bul jobalar qalanyń tirshiligin qamtamasyz etý úshin mańyzdy.

Jumyspen qamtýdyń jol kartasy boıynsha «ıÝnost» stadıony men Jeńis saıabaǵyn qaıta jańartý qarastyrylǵan. Qalanyń 14 kóshesin ortasha jóndeý, 59 aýlany abattandyrý josparlanǵan.

Budan basqa, 20 úıdiń qasbetteri jóndeledi, 20 jańa aıaldama pavılony, alty balalar oıyn alańy, úsh Street workout alańy ornatylady. Úsh jyl ishinde Satbaev qalasynda 400-ge jýyq beınebaqylaý kamerasyn ornatýǵa ýáde berildi. Bul jobany «Qazaqmys» korporatsııasy qarjylandyrady.

Oblys ákimi Jezqazǵandy jáne Sátbaevty damytý jáne problemalyq máselelerdi sheshý jóninde birqatar tapsyrmalar berdi. Óńir basshysy sondaı-aq ınvestıtsııa tartý, kásipkerlikti qoldaý, azyq-túlik baǵasyn ustap turý boıynsha mindetter qoıdy.