Jeńis Qasymbek TKSh nysandaryn kontsessııaǵa kóshirýdi usyndy
«Bizdiń aldymyzda mańyzdy mindet - sýmen jabdyqtaý salasyna bıýdjetten tys qarajat tartý, onyń tıimdiligin arttyrý men bıýdjetke táýeldilikti tómendetý tur. Sýmen jabdyqtaý sektoryn damytýdaǵy halyqaralyq tájirıbe taldaýy oǵan jeke kapıtaldyń qatysýy tıimdi bolatynyn kórsetti. Mınıstrlik barlyq óńirlermen jáne EQDB-men birlesip kommýnaldyq ınfraqurylymdy damytýdaǵy barlyq yqtımal táýekelder men tájirıbeni esepke ala otyryp, turǵyn úı-kommýnaldyq sharýashylyǵy nysandaryn kontsessııaǵa kezeń-kezeńmen kóshirýdi usynady», - dedi Jeńis Qasymbek.
Onyń aıtýynsha, barlyq óńirler boıynsha memlekettik-jekeshelik seriktestiktiń túrli formalaryn engizý úshin 39 ilki joba iriktelgen. Eń mańyzdy jobalar - Qyzylorda men Aqtóbe qalalarynyń turǵyn úı-kommýnaldyq sharýashylyǵyn senimdi basqarýǵa kóshirý. Ol Eýropalyq qaıta qurý jáne damý bankimen birlesip júzege asyrylatyn bolady. Sondaı-aq, Mańǵystaý oblysyndaǵy sýdy tuşytý zaýytynyń qurylysy kontsessııalyq jobaǵa jatady. Qazir konkýrstyq rásimder júrip jatyr.
«Salanyń damýyna jeke kapıtaldy tartýdyń mańyzdylyǵy men perspektıvalaryn eskere otyryp, ákimdikter ilki jobalardy oıdaǵydaı iske asyrý úshin bar kúsh-jigerlerin salýlary qajet jáne osy tájirıbeni barlyq turǵyn úı-kommýnaldyq sektorynda qoldaný kerek»,- dedi ol.
Aıta keteıik, QR Parlamenti Májilisinde elimizdiń eldi mekenderin sapaly aýyz sýmen qamtamasyz etýdiń ózekti máselelerine arnalǵan parlamenttik tyńdaý ótti. Sharaǵa Májilis Tóraǵasy Nurlan Nyǵmatýlın, QR Premer-Mınıstriniń orynbasary - Aýyl sharýashylyǵy mınıstri Asqar Myrzahmetov, Qarjy mınıstri Baqyt Sultanov, Investıtsııalar jáne damý mınısti Jeńis Qasymbek, múddeli memlekettik organdardyń, ǵylymı-zertteý ınstıtýttarynyń ókilderi qatysty.